नेपालमा गत भदाै १० गते भोटेकोशी नदी हुँदै त्रिशुली नदीमा आएको विनाशकारी बाढी तथा पहिरोबाट प्रभावित परिवारहरूको सहयोगका लागि गैरआवासीय नेपाली संघ (एनआरएनए) राष्ट्रिय समन्वय परिषद् कुवेतको पहलमा विभिन्न व्यक्ति तथा संस्थाबाट जम्मा १ हजार ५७८ कुवेती दिनार संकलन भएको छ। संकलित रकममध्ये २०७ कुवेती दिनार नेपाली दूतावास कुवेतमार्फत प्रधानमन्त्री राहत उद्दार कोषमा जम्मा गरिएको र १ हजार ३७१ कुवेती दिनार एनआरएनए केन्द्रको खातामा जम्मा भएको जनाइएको छ।
एनआरएनए कुवेतले उक्त राहत रकम नेपालका बाढी तथा पहिरो प्रभावित परिवारको उद्धार, राहत र पुनःस्थापनाका लागि सम्बन्धित निकायमार्फत हस्तान्तरण गर्ने जनाएको छ।
राहत अभियानमा कुवेतस्थित नेपाली समुदायका ८८ जना दाताले सहयोग गरेका छन्। दाताहरूले मानवीय संवेदनासहित विपद्मा परेका नेपालीको सहयोगका लागि रकम प्रदान गरेका हुन्।
सहयोगदाताहरूको नामावली यस प्रकार रहेको छः
