गोरखा समाज कुवेतले नेपालका मुटुरोगीलाइ नेपाली रूपैयाँ ४२ हजार भन्दा बढी अार्थिक सहयोग गरेको छ । समाजले गोरखाका मुटुरोगी गोपाल बिकलाइ सो सहयोग गरेको हो ।
गोरखा जिल्ला गोरखा नगरपालिका वडा नम्बर १३ मा स्थायी बसोबास भएका मुटु रोगी गोपाल बिकको मुटु सम्बन्धी उपचार सहयोगार्थ वैदेशिक रोजगारीको शिलशिलामा कुवेतमा रहेका गोरखावासी दाजुभाई तथा दिदीबहिनीहरुको व्यक्तिगत सहयोग साथै गोरखा समाज कुवेतको कोषबाट संकलन गरी नेपाली रूपैयाँ ४२,३२०।- अक्षेरूपी बयालिस हजार तीन सय बीस रूपैयाँ सहयोग गरिएको समाजका अध्यक्ष मदन पनेरूले मिडियासँगको कुराकानीमा बताए ।
यस अघि निज मुटुरोगीको घरायसी अार्थिक अवस्था निकै कम्जोर भएर स्वास्थ्योपचार गर्न असहज भएको खबर प्राप्त भएपछि गोरखा समाजले मानविय सेवा, सामाजिक उत्तरदायित्व र आपसी सहयोगको भावनालाई आत्मसात गर्दै सो रकम संकलन गरी संस्थाका सह-सचिव श्री सुजप शाही ठकुरी मार्फत मुटु रोगी गोपाल बिकको परिवारलाइ सो रकम हस्तान्तरण गरेको हो । सामाजिक र मानविय सेवाका कार्यमा स्वस्फुर्त रूपमा सहयोग गरेकोमा सहयोगी मनका धनी सबैलाइ संस्थाले धन्यवाद ज्ञापन गर्दै भविष्यमा पनि यस्तै किसिमका साथ सहयोग गर्दै संरस्था अघि बढ्ने बताएको छ ।
