Thursday 28th March 2024

कविताः बडा दशैँ – लोक छन्द: सवाई -हरि शर्मा (गलकोटे कवि)


सन्तान भन्नु यौटा छोरा मुग्लानमा पस्यो ।
बाबु आमा बिर्सिएर उतैतिर बस्यो ।
सबैकुरा जान्दैन कि पापी दशैँ कसो ।
घुमी फिरी सँघारमा आइकन बस्यो ।१। 🌷🙏🌺

भन्न लागे बुढा बुढी बाबुआमा घर ।
छोरो भने विदेशमा गयो भट्टी तिर ।
त्यहाँ बसी जेतेपाते पियो मस्त सित ।
लत बस्यो आफ्नो भन्दा उसैको छ जित ।२। 🌷🙏🌺

बडा दशैँ हाम्रो लागि आएको खै किन ।
डाँडा माथि पुगे घाम डुब्नै लाग्यो दिन ।
जाऊ बुढा छोराको त्यो फोटो लिई आऊ ।
टीका साथै जमारा त्यही फोटोमा नै लाऊँ ।३। 🌷🙏🌺

भनिकन बुढा बुढी आँशु झारी बसे ।
आँगनीमा भँगेराले जिस्काएर हाँसे ।
घर अघि काग आई का का गरी बोल्यो ।
प्रदेशीको खबर आयो भन्दै कुरा खोल्यो ।४। 🌷🙏🌺

नवरात्री भरी उनले दुर्गा पूजा गरे ।
सकरात्मक सोच थियो देवी शरण परे ।
छोराको केही खबर आओस् भन्ने चाह थियो ।
दुर्गाजीको कानमा नै कुरा पर्‍यो क्या हो ।५। 🌷🙏🌺

नभन्दैमा प्रदेशबाट छोराको फोन आयो ।
ढोग गरेँ आमा बुवा छोरा भन्न लाग्यो ।
बुढाबुढी बाबाआमा डाँको छाडी रोए ।
एकै छिनमा शान्त भए पिडा सबै पोखे ।६। 🌷🙏🌺

फोनबाट भएपनि दशैं शुरु भयो ।
बाबुआमा आशिष दिए हात थाप्यो छोरो ।
रामचन्द्रको जस्तो शत्रु नाश हुँदै जाउन् ।
बिदुर जस्तो ज्ञानी हुनु सबै सोध्न आउन् ।७। 🌷🙏🌺

सम्पति होस दशरथ जस्तो बायु जस्तो गति ।
ऐश्वर्य होस् नहुष जस्तो नारायणको कीर्ति ।
दुर्योधन जस्तो मान युधिष्ठिरको सत्य ।
भिष्म जस्तो शुरता होस् नडग्नु एक रति ।८। 🌷🙏🌺

भनिकन आशिष दिए बुढा बाबु आमा ।
छोरो पनि कुरा सुनी बसी रह्यो त्यहाँ ।
बडा दशैँ कारणले भेटघाट भयो ।
बाबु आमा छोरा बिच माया प्रेम बढ्यो ।९। 🌷🙏🌺

हरि शर्मा(गलकोटे कवि)
मिशिगन, अमेरिका । 🌷🙏🌺


सम्बन्धित शीर्षकहरु

जापानमा कोलेस्ट्रोल कम गर्न प्रयोग गरिने ‘डाइटरी सप्लिमेन्ट’ (औषधीय आहार) का कारण दुई जनाको मृत्यु हुनुका साथै १०० जनाभन्दा बढी…

ग्लोबल आइएमई बैंक र विश्व बैंक समूहको सदस्य अन्तर्राष्ट्रिय वित्त निगम (आईएफसी) बिच जोखिम व्यवस्थापन, जलवायु वित्त तथा लैङ्गिक वित्त…

"पाँच तत्त्व पाँचै विकार, पञ्चाङ्ग नै ठिक आधार" विधा :- पञ्चाङ्ग अभ्यास गर्ने थलो :- पञ्चाङ्ग साहित्य समाज वर्ष ३…

प्रतिकृयाहरू
...