Saturday 21st November 2026

मोना कुवेतले मृगौला पीडितको लागि ओम कुमारी शान्ति कोषलाई पाँच लाख भन्दा बढी रकम हस्तान्तरण


तितोपाटी – म्याग्दी प्रवासी नेपाली संघ (मोना) कुवेतले म्याग्दी मंगला गाउँपालिका -५ नेटाका दुबै मृगौला पीडित सुरेश छन्त्यालको लागी संकलन गरेको रकम आइतबार ओमकुमारी शान्ति कोषमा एक विशेष कार्यक्रम गरि हस्तान्तरण गरेको छ ।

म्याग्दी प्रवासी नेपाली संघ (मोना) कुवेतले सुरेश बचाउ अभियानमा १,३३४.८०० कुवेती दिनार र नेपाली ९०० रुपैया गरि जम्मा नेपाली रुपैया ५,०५,२१० ( पाँच लाख पाँच हजार दुई सय दस रुपैया ) संकलित रकम मोना कुवेतका संयोजक प्रेम बहादुर बिश्वकर्मा र काेषाध्यक्ष कृष्ण प्रसाद खड्काले हस्तान्तरण गरेका थिए ।

उक्त कार्यक्रममा बोल्दै मोना कुवेतका संयोजक प्रेम बिश्वकर्माले प्रवासमा भएर पनि आफ्नो परिवारको गाँस कटाएर भए पनि यति ठूलो रकम संकलन गर्न सफल भएको बताएका थिए भने कार्यक्रम संचालन ओम कुमारी शान्ति कोषका सचिब लोकेश पुन मगरले गरेका थिए ।

कुवेतको नेपाली समाजमा हालसालै गठन भएको मोना कुवेतले छोटो समयमै उदाहरणीय कार्य गर्न सफल भएको छ । केहि समय पहिले देखि दुवै मृगौलाले काम गर्न नसकेर थलिएका सुरेश बचाउनको लागि अभियान चलाउनु साथै धेरै  पीडितहरूको लागि पनि सहयोग गर्दै आएको छ ।


सम्बन्धित शीर्षकहरु

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

काभ्रे, मंसिर ३। काभ्रे जिल्लाको एक रिसोर्टबाट ३५ जापानीसहित ४० जना विदेशी नागरिकलाई प्रहरीले नियन्त्रणमा लिएको छ। दुई दिनभित्र काभ्रेका…

ढाका, नोभेम्बर १९। बंगलादेशमा पूर्वप्रधानमन्त्री शेख हसिनाको स्वदेश फिर्तीको विषयलाई लिएर राजनीतिक तनाव चुलिएको छ। हसिनाको पार्टी अवामी लिगका समर्थकहरू…

प्रतिकृयाहरू
...