Saturday 21st November 2026

कुवेतमा सबै प्रकारका भिसाको शुल्क बढ्यो ,पारिवारिक भिसाका लागि ८०० केडी तलब हुनुपर्ने


कुवेत सरकारले अाप्रवासीहरूलाइ पारिवारिक भिसाका लागि अाधारभूत तलब ८०० कुवेती दिनार हुनुपर्ने बनाएको छ । यो नियम अागामी २३ डिसेम्बर २०२५ देखि लागु हुनेछ । गत अाइतबार २३ नोभेम्बरका दिन राजपत्रमा प्रकाशित गरी सरकारले जानकारी गराएको हो । राजपत्रमा प्रकाशित गरिए अनुसार सबै प्रकारका भिसाका शुल्क बढाइएका छन् । पारिवारिक भिसा अन्तर्गत श्रीमती तथा बाल बच्चा बाहेक अन्य नाताको रेसिडेन्सीको लागि वार्षिक ३०० कुवेती दिनार लाग्नेछ ।

त्यसै गरि सबै प्रकारका भिजिट भिसाको शुल्क १० कुवेती दिनार बनाइएको छ भने अधिकांश भिसाहरू ३ महिनाको लागि जारी गरिने छ । पटके भिसा अन्तर्गत १ वर्ष सम्मको भिसा पनि जारी गरिनेछ भने यस्तो भिसामा कुवेत प्रवेश गर्नेहरूले एक महिनाको कुवेत बसाइ पश्चात देश छोड्नु पर्नेछ । सरकारी भिजिट भिसा, घरेलु कामदार भिजिट भिसा तथा विश्वविद्यालय डिग्री भएका भिसिट भिसाहरू अावश्यक शर्तहरू पालना गरेर रेसिडेन्सी भिसामा परिवर्तन गर्ने सकिने पनि सरकारले जनाएको छ ।

राजपत्रमा प्रकाशित सूचना अनुसार इकामा नविकरणको वार्षिक शुल्क पनि २० कुवेती दिनार पुर्याइएको छ भने व्यापारिक भिसामा रहेकाहरूका लागि यो शुल्क ५० केडी पुगेको छ । अस्थायी भिसा (१४ नं.) को भिसाका लागि मासिक १० कुवेती दिनार शुल्क लाग्नेछ ।

अब उप्रान्त भिसालाइ राहदानीको म्यादसँग लिंक गरिने छैन भने अाप्रवासीले अधिकतम् ५ वर्षसम्मको रेसिडेन्सी स्ट्याम्प लगाउन पाउनेछन् । कुवेती महिलाका विदेशी बच्चाहरूको १० वर्षे भिसा लगाउन पाइने छ भने लगानीकर्ता व्यपारीहरूले १५ वर्षको रेसिडेन्सी भिसा लगाउन सक्नेछन् ।


सम्बन्धित शीर्षकहरु

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

काभ्रे, मंसिर ३। काभ्रे जिल्लाको एक रिसोर्टबाट ३५ जापानीसहित ४० जना विदेशी नागरिकलाई प्रहरीले नियन्त्रणमा लिएको छ। दुई दिनभित्र काभ्रेका…

ढाका, नोभेम्बर १९। बंगलादेशमा पूर्वप्रधानमन्त्री शेख हसिनाको स्वदेश फिर्तीको विषयलाई लिएर राजनीतिक तनाव चुलिएको छ। हसिनाको पार्टी अवामी लिगका समर्थकहरू…

प्रतिकृयाहरू
...