Sunday 22nd November 2026

कविताः वीरबहादुर -जमुना पौड्याल


शिर नझुकाऊ वीरबहादुर
नाक नजोत वीरबहादुर
कति भक्त र पुजारी बन्छौ?
भगवानले तिम्रो लाचारी देखेनन्
आफ्नै प्रतिष्ठाको लागि
तिमीलाई भक्त बनाए
हात जोडाउँदै छन्
हाड घोटाउँदै छन्
नाक जोताउँदै छन् ।

बिक्री नगर स्वाभिमानको सगरमाथा
बिक्री नगर पसिनाको सुगन्ध
बिक्री नगर पौरखी शान
बिक्री नगर पुर्खाको गर्विलो इज्यत
गोर्खेलीका सन्तान हौ तिमी
भोकै लड्न सक्छौ
प्यासै मर्न सक्छौ
तर तिमी कहिल्यै मर्नु हुन्न
इतिहासको पानाबाट
लेखाऊ सुनौलो भविष्य
तिमी भगवान बन्नुपर्छ ।

अब तिमी बाँदर बन्नु हुन्न
अब तिमी भेँडा बन्नु हुन्न
भेँडा र बाँदर बनाऊ तिम्रा भगवानलाई
जसले तिम्रो भविष्य थुनेको छ
जसले तिम्रो भाग्यमा कालो पोतेको छ
अब मुटुमा आँट र हिम्मत
पाखुरीमा बल र शक्ति
उमार वीरबहादुर
लखेट ढेँडुहरूलाई
जसले बारम्बार तिमीलाई
भेँडाबाख्रा बनाएर लखेटिरहन्छ
अब उठ, जाग वीरबहादुर
तिमी भगवानको आसनमा बस्नुपर्छ ।

-जमुना पौड्याल, विराटनगर-३


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...