“प्रथम बागलुङ- मुजैनी कप भलिबल प्रतियोगिता – २०२५” आगामी २६ डिसेम्बर २०२५ शुक्रबारका दिन फाहाहिल स्थित शुक सभा खेल मैदानमा हुने भएको छ । अलमुजैनी एक्सचेन्जको मुख्य प्रायोजनमा बागलुङ सेवा समाज कुवेतले नेपाली समुदाय भित्रका खेलकुद टिमहरूबिच सम्पन्न गर्न लागेको यो भलिबल प्रतियोगिता यस वर्षको अन्तिम प्रतियोगिताको रूपमा हुन लागेको हो । कुवेतमा जाडो शुरू भएपछि वर्षको अन्तिम हप्तामा खेलाउन लागिएको उक्त भलिबल प्रतियोगित “क्रिसम डे” को भोलिपल्ट हुन लागेको हो ।
१० भलिबल टिमले सहभागिता जनाउन लागेको उक्त भलिबल प्रतियोगितालाई भव्य र सभा रूपमा सफल बनाउनआयोजक बागलुङ सेवा समाज कुवेत ले कुवेतमा कृयाशिल संघ संस्थाका पदाधिकारी, प्रतिनिधि एवं पत्रकार, खेलाडी, समाजसेवी, बुद्धिजीवी लगायत भलिबल खेल प्रति रुचि हुने सबैलाई भलिबल खेल हेर्न खेल मैदानमा उपस्थित भइदिन हार्दिक निमन्त्रणा गरेको छ।
खेल सफल रुपमा सम्पन्न गर्नको लागि प्राविधिक रुपमा सम्पुर्ण तयारी पूरा भईसकेको बाग्लुङ सेवा समाजका अध्यक्ष दिपक कुमार नेपालीले मिडियासँगको कुराकानीमा बताए ।
मध्यम जाडो मौसम हुने भएकोले आमन्त्रित सम्पुर्ण दर्शक-पाहुनाहरुलाई न्यानो कपडा लगाएर खेल मैदानमा आउनलाई आयोजकले अपिल गरेको छ ।
स्मरण रहोस, परदेशमा श्रम गरेर कमाएको पैसा सधैं वैधानिक माध्यमबाट स्वदेशमा विप्रेषण गर्न उत्प्रेरित गर्ने अल मुजैनी एक्सचेन्जले नेपाली समाज कुवेतमा हुने हरेक खेलकुद प्रतियोगिता र सांस्कृतिक गतिविधिमा सधैं हातेमालो र सहकार्य गर्दै अाएको छ ।
