तीतोपाटी – तनहुँ सेवा समाज कुवेतले तनहुँका मृगौला पीडितलाइ १ लाख बढीको आर्थिक सहयोग गरेको छ । समाजले तनहुँ जिल्ला व्यास नगरपालिका–३ स्थायी बसोबास भइ हाल पोखरा स्थित फिस्टेल अस्पतालमा उपचाररत ऋषि थापाको उपचारार्थ सो सहयोग गरेको हो । मृगौला पीडित थापा समाजकी सदस्य मधु थापाका श्रीमान् हुन भने समाजले सदस्यहरूबिचमा संकलित रकम जम्मा २२८ केडि ७५० फिल्स गत शुक्रबार हस्तान्तरण गरेको हो ।
यस अघि फिसटेल हस्पिटल एण्ड रिसर्च सेन्टर प्रा.लि.को आईसीयू युनिटमा भर्ना गरिएको र सेप्सिस एकेआईको काम गर्ने निदान गरि इनोट्रोपिक सपोर्ट सहितको मेकानिकल भेन्टिलेटरमा राखिएको जनाउँदै बिरामीको अवस्था जटिल बन्दै गएको र उपचारको लागि ठुलो रकमको आवश्यक पर्ने अस्पताल श्रोतबाट जानकारी प्राप्त भएपछि समाजका सदस्यहरूबिच सहयोग रकम संकलन गरि सहयोग हस्तान्तरण गरिएको हो ।
पारिवारिक आर्थिक अवस्था न्युन भएकोले थोरै भएपनि उपचारार्थ सहयोग होस भनि समाजको तर्फबाट सदस्यहरूले एकापसमा संकलन गरेर जम्मा २२८ केडी ७५० फिल्स अर्थात नेपाली विनिमय दर अनुसार नेपाली रूपैयाँ १ लाख ७ हजार भन्दा बढी रकम सहयोग गरिएको संस्थाका अध्यक्ष सोम खत्रीले जानकारी दिंदै दुःखको समयमा एकजुट भइ स्वस्फुर्त रूपमा सहयोग गर्ने सहयोगी मनका सबै साथीहरूलाइ धन्यवाद दिएका छन् ।
