विदेशमा रहेका नेपालीहरुको साझा संस्था गैरआवासीय नेपाली संघको आगामी मार्च २४ र २५ तारिखमा हुने दसाैं महाधिवेशनको निर्वाचनको लागि हिजो उम्मेदवारी दर्ता सम्पन्न भएको छ । निर्वाचन समितिले तोकेको ५ बजे सम्मको समयमा अध्यक्ष पदमा डा. बद्री केसी र रविना थापाको उम्मेदवारी परेको छ । यस हिसाबले अध्यक्ष पदको लागि केसी र थापा बिच निर्वाचन हुने भएको छ । त्यस्तै उपाध्यक्ष पदमा ८ जनाको उम्मेदवारी परेको छ ।
उम्मेदवारहरूको नामावली यस प्रकार रहेको छः
अध्यक्ष – बद्री केसी, रविना थापा
उपाध्यक्ष – डा हेमराज शर्मा, आरके शर्मा, डीबी क्षेत्री, धर्मराज अधिकारी, टंक गैरे
महिला उपाध्यक्ष- यास्मिन बेगम
युवा उपाध्यक्ष – रोशन थापा
महासचिव – गौरी आर जोशी, विनय अधिकारी
सचिव – रामशरण सिमखडा, ओम गुरुङ, चिरञ्जीवी घिमिरे, अभिमानसिंह बस्नेत, शंकर खड्का
महिला सचिव – टिका गुरुङ
कोषाध्यक्ष – लोक दाहाल, फनिन्द्र पन्त
सहकोषाध्यक्ष – यग्र सुवेदी
सहकोषाध्यक्ष – यमुना भट्टराई
युवा संयोजक – रवीन्द्र खड्का
महिला संयोजक – संगीता मरहट्टा
अमेरिका क्षेत्रीय संयोजक – प्रकाश सापकोटा
उपक्षेत्रीय संयोजक – अभिमञ्जु बस्नेत
उपक्षेत्रीय संयोजक – पुरुषोत्तम बोहरा
महिला संयोजक – तृष्णा शर्मा
उपमहिला संयोजक – इन्दिरा त्रिपाठी
युवा संयोजक – स्वरस खाती
उपयुवा संयोजक – ईश्वर खत्री
अफ्रिका क्षेत्रीय संयोजक – राजकुमार थापा
उपक्षेत्रीय संयोजक – आरपी पन्त
उपक्षेत्रीय संयोजक –
महिला संयोजक – केशना लिम्बु
उपमहिला संयोजक –
युवा संयोजक –
उपयुवा संयोजक –
एसिया प्यासिफिक क्षेत्रीय संयोजक – पारस पोखरेल
उपक्षेत्रीय संयोजक – नवीन बिके
उपक्षेत्रीय संयोजक – डडैवाल खड्का
उपक्षेत्रीय संयोजक – हरि भट्टराई
महिला संयोजक – शान्ति अधिकारी
उपमहिला संयोजक – इन्दिरा तिवारी
युवा संयोजक – दीपक कँडेल
उपयुवा संयोजक
युरोप क्षेत्रीय संयोजक – सन्तोष भट्टराई
उपक्षेत्रीय संयोजक- चित्रा सुवेदी
उपक्षेत्रीय संयोजक – नवराज रोजियारा
उपक्षेत्रीय संयोजक – सागर सुवेदी
उपक्षेत्रीय संयोजक – ललित न्यौपाने
महिला संयोजक – पार्वती मल्ल
उपमहिला संयोजक – नुनिता सापकोटा
युवा संयोजक – किरण गुरुङ
उपयुवा संयोजक – रोबर्ट लिम्बु
मध्यपूर्व क्षेत्रीय संयोजक – जोन अर्याल
उपक्षेत्रीय संयोजक – अमित चाम्लिङ
उपक्षेत्रीय संयोजक – लालबहादुर पुन
महिला संयोजक –
उपमहिला संयोजक –
युवा संयोजक –
उपयुवा संयोजक –
ओशिनिया क्षेत्रीय संयोजक – लाल केसी
क्षेत्रीय संयोजक – दिनेश जोशी
क्षेत्रीय संयोजक – दिपक शर्मा
उपक्षेत्रीय संयोजक – ओली
उपक्षेत्रीय संयोजक – अशोक केसी
महिला संयोजक – उषाकिरण बानियाँ
उपमहिला संयोजक
युवा संयोजक – प्रदीप रुपाखेती
उपयुवा संयोजक –
उपरोक्त उम्मेदवारी परेकोमा उता हिजो नै संरक्षक परिषदले भने निर्वाचन समिति पुनर्गठन र महाधिवेशन आयोजक समिति गठन गरेको छ । यसले गैरआवासीय नेपाली संघ (एनआरएनए) विभाजनको संघारमा पुगेको देखिएको छ । सामाजिक संस्थाको रुपमा रहेको एनआरएनएमा चर्को राजनीति हुँदा उक्त संस्था अन्ततः विभाजित हुने स्थितिमा पुगेको हो ।
विशेषगरी चुनावको मुखमा काँग्रेस र एमाले गरी एनआरएनएका अभियन्ताहरु कित्ताकाट हुँदा विवाद चर्किँदै विभाजनको अवस्था निम्तिएको हो । एमाले निकटका अध्यक्ष कुमार पन्त र उनको समूह तथा अध्यक्षका प्रत्यासी कुल आचार्य बीचको बढ्दो अन्तरद्वन्द्वले करिब २० वर्षे इतिहास बोकेको संस्था धर्मराएको अबस्थामा पुगेको हो । उपरोक्त उम्मेदवारी हेर्दा पनि संस्थापन पक्षबाट मात्र उम्मेदवारी पर्नु र संरक्षक परीषद बिच तालमेल नहुनुले पनि विभाजनको रेखा देखाएको हो ।
