Thursday 19th November 2026

कविताः तानातानी – छन्द: स्रग्धरा -हरि शर्मा (सुवेदी) ‘गलकोटे कवि’


म्रभ्नैर्यानां त्रयण्, तृमुनियतियुता:, स्रग्धरा कीर्तितेयम् ।>🌷🙏🌺

पाखण्डीले सतायो हरपल भुवनमा साधुमा बज्रपात
खैलाबैला आसाध्यै खलबल जगमा चालमा पक्षपात
सोझासाझा दुखेका कुटपिट गरिए राक्षसी भावबाट
खोलनाला कराए कलकल जगमा सम्झिँदै देवमाता ।१।🌷🙏🌺

दायाँबायाँ डुलेका बखत बखतमा कंसका सूत्रधार
तानातानी असाध्यै गडबड गतिलो राक्षसी सूत्रपात
हेर्दा हेर्दै छकाए छमछम नटुवा नाच्दछन् मध्यरात
जानाजानी बढेको हरदम जगमा बेसरी शोकवाद ।२।🌷🙏🌺

जोरीखोजा बनेका असुर रगतका मातमा सर्वभोगी
दोषग्राही डुलेका वरपर अरुवा तामसी व्यक्तिवादी
सोझासाझा भगाए अजब असुरले देवता शान्तिवादी
दुष्टात्माले सताए खलबल जगमा डुल्दछ्न् पक्षपाती ।३।🌷🙏🌺

सच्चा आत्मा भनेको हतपत नगरौँ यातना जीवहिंसा
सच्चा ज्ञानी बनेका अकपटअसली शारदा ज्ञानदाता
मान्छे भित्रै रहेका सहज सरलता साधना भक्तिभाव
मान्छेमा नै बसेका कुलत कपटका भावना सूत्रधार ।४।🌷🙏🌺

हामी दानी बनौँला सकल भुवनका देउता कर्मवादी
हामी छैनौँ असत्ती असुर कपटका घातकी पक्षपाती
गर्ने छैनौँ अचाक्ली दलबल रमिता बातमा मर्मभेद
हामी आफै बनौँला अनुसरण गरी साधना कर्मवाद ।५।🌷🙏🌺

धन्यवाद ।🌷🙏🌺
हरि शर्मा (गलकोटे कवि)
मिशिगन, अमेरिका ।🌷🙏🌺


सम्बन्धित शीर्षकहरु

काठमाडौं । भूमिहीन दलित, भूमिहीन सुकुम्बासी तथा अव्यवस्थित बसोबासीको समस्या समाधान गर्ने अभियानअन्तर्गत सरकारले पाँचवटा स्थानीय तहलाई भूमिहीन समस्यामुक्त पालिका…

१८ नोभेम्बर २०२६ | मध्यपूर्व / मध्यपूर्वमा अमेरिका र इरानबीचको सैन्य तनाव थप चर्किएको छ। इरानको केश्म टापुस्थित क्षेप्यास्त्र प्रक्षेपण…

-गोबिन्द राज ओझा (राजन ) अनन्त आकाशबीच चम्किने ताराका ज्योति हौँ हामी सबै, प्रकृतिका कणकणभित्र लुकेको चेतनाका मोती हौँ हामी…

प्रतिकृयाहरू
...