Thursday 19th November 2026

कविताः मेरी आमा -कमला पाण्डेय तिवारी


दिनरात आउँछ याद आमा हजुरको मलाई ।
प्रदेशमा छु नि आमा मुटु जलाई जलाई ।।

हाँस्ने खेल्ने रमाउने कलिलोथ्यो उमेर ।
भाग्यको नै खेल होला प्रदेश ल्यायो घुमेर ।।

सधै आउछ चाडपर्व जानुपर्ने साहु ।
हृदयमा नमेटिने आमा छ नि मेरो घाउ ।।

मलमपट्टी लाउन भनी यो दुखेको घाउमा ।
पसिनामा पैसा साट्दै आमा यो बिरानो ठाँउमा ।।

प्रदेशमा छु नि आमा छैन दिने पानी ।
यसै बित्यो प्रदेशमा मेरो जिन्दगानी ।।

दाजुभाइ दिदीबहिनी छन् नि सबै काखमा ।
यताउता खोज्छेउ होला आमा तिम्रो साथमा ।।

छोराछोरी घरपरिवार आउछ याद सबको ।
यो पिडालाई कसो गरि बुझाउ आमा मनको ।।

आखा बाट आउँछ आशु भेल सरी बगेर ।
तिमी पनि रुन्छेउ होला आमा छोरी खोई भनेर ।।

बादल छायो पानीपर्यो घामलागे घमाईलो ।
कोहि छैन साथमा आमा के लाग्थ्यो र रमाइलो ।।

आउँछन् होला ईष्टमित्र साथी भाई ।
आमा कति रुन्छेउ होला सम्झेर मलाई ।।

कति मिठो पबित्र छ आमा तिम्रो नाम ।
बाटो हेर्दै हौली आमा छोडी सबै काम ।।

छिटै फर्कि आउनेछु आमा बाचा गरे मैले ।
आशु भयो भरी मन गरुङ्गो बिदा लिए अहिले ।।।

कमला पाण्डेय तिवारी
हाल:इजरायल


सम्बन्धित शीर्षकहरु

काठमाडौं । भूमिहीन दलित, भूमिहीन सुकुम्बासी तथा अव्यवस्थित बसोबासीको समस्या समाधान गर्ने अभियानअन्तर्गत सरकारले पाँचवटा स्थानीय तहलाई भूमिहीन समस्यामुक्त पालिका…

१८ नोभेम्बर २०२६ | मध्यपूर्व / मध्यपूर्वमा अमेरिका र इरानबीचको सैन्य तनाव थप चर्किएको छ। इरानको केश्म टापुस्थित क्षेप्यास्त्र प्रक्षेपण…

-गोबिन्द राज ओझा (राजन ) अनन्त आकाशबीच चम्किने ताराका ज्योति हौँ हामी सबै, प्रकृतिका कणकणभित्र लुकेको चेतनाका मोती हौँ हामी…

प्रतिकृयाहरू
...