गजल
हाम्रो संबन्धलाई मायाले बचाउनु पर्छ ।
दु:ख जस्तो परे नी मिलेर चलाउनु पर्छ ।।
तिमी कैले नआत्तिनु समय जस्तो भएनी
माया दिएसी माया नै हामीले पाउनु पर्छ ।
पीडा दर्द आउँछ सबै पार गर्दै जाऊँला
सपना हुन्न बाचा मायाले समाउनु पर्छ ।
कहिलेकाही अबेला भएनी बुझी दिनु
प्रेमको गहराइमा पसि जगाउनु पर्छ ।
माया खेल होइन वचनले साथ निभाऊँ
जस्तै परेनी घर प्रेमले सजाउनु पर्छ ।
सोमनाथ लुइटेल रवि
पाल्पाली
हाल :- युगान्डा
