खोटाङ-कुवेत सम्पर्क मञ्चको सातौं अधिवेशन आगामी २५ सेप्टेम्बर २०२६ (शुक्रबार) राजधानी होटल, खैतानमा आयोजना हुने भएको छ। अधिवेशन सम्पन्न गर्न आवश्यक अन्तिम तयारी पूरा भएको मञ्चले जनाएको छ।
मञ्चद्वारा जारी सूचनाअनुसार कार्यक्रमको सुरुवात गत भदौ १० गते भेटिकोशिको बाह्रबीसेमा ज्यान गुमाएका दिवंगतहरूको सम्झनामा दीप प्रज्वलन तथा एक मिनेट मौनधारण गरेर गरिनेछ। त्यसपछि अधिवेशनको औपचारिक सत्र सञ्चालन हुनेछ।
कार्यक्रममा स्थानीय कलाकारहरूको सहभागितामा सांगीतिक तथा सांस्कृतिक प्रस्तुति समेत रहने जनाइएको छ। मञ्चले सोही दिन अन्य नेपाली संघ-संस्थाहरूलाई कुनै कार्यक्रम आयोजना नगरी सहयोग गर्न अनुरोध गरेको छ।
कुवेतमा रहेका सम्पूर्ण नेपाली दाजुभाइ तथा दिदीबहिनीलाई कार्यक्रममा उपस्थित भई अधिवेशनलाई भव्य र सफल बनाउन मञ्चले आग्रह गरेको छ।
