Thursday 19th November 2026

कविताः हिंसाको बदला हिंसा – छन्द: अनुष्टुप् -हरि शर्मा (गलकोटे कवि)


हिंसाको बदला हिंसा, हिंसाको महिमा बढ्यो
झगडा हट्नुको सट्टा, अचाक्ली लोकमा गर्‍यो ।१।🌷🙏🌺

घृणाको बदला घृणा, घृणाले चेतना मर्‍यो
घृणाको लोकमा हावी, घृणाको गरिमा चढ्यो ।२।🌷🙏🌺

बदला बदला भन्दा बदला रुखमा चढ्यो
टुटेन बदला चक्र, लम्बिँदै अझ त्यो गयो ।३।🌷🙏🌺

महाभारतको युध्द, शकुनी बदला लिँदा
घृणाको बदला माया, घृणाको औषधी सदा।४।🌷🙏🌺

ज्ञानीको मुखको बोली, मायाले लोकमा भरौँ
सदैव बुध्दको बोली, क्षमाको भरमा परौँ ।५।🌷🙏🌺

दिएमा अरुले गाली, फोहोरा रिसको बढ्यो
दुवैको रिसले गर्दा, लडाइँ माथमा चढ्यो ।६।🌷🙏🌺

अर्काको गल्तिको खोजी, लोकमा जनले गर्‍यो
गल्तिको खोजमा लाग्दा, असली गुण जो मर्‍यो ।७।🌷🙏🌺

गुलाब फूलको हैन, काँडाको पछि छन् सबै
कहाँ छ कसको गल्ति, भनेर खोज्दछ्न् खुबै ।८।🌷🙏🌺

खोजेर अरुको गल्ति, महान को भयो कहाँ ?
व्यक्तित्व देखियो तुच्छ, गल्तिको खोजमा सदा ।९।🌷🙏🌺

टेरेसा बन्दछिन् माता, पछाडि शान्तिको हुँदा
गरेका शान्तिको खोजी, देखिन्छ बुध्दले सदा ।१ ०।🌷🙏🌺

-हरि शर्मा(गलकोटे कवि)
मिशिगन, अमेरिका । 🌷🙏🌺


सम्बन्धित शीर्षकहरु

काठमाडौं । भूमिहीन दलित, भूमिहीन सुकुम्बासी तथा अव्यवस्थित बसोबासीको समस्या समाधान गर्ने अभियानअन्तर्गत सरकारले पाँचवटा स्थानीय तहलाई भूमिहीन समस्यामुक्त पालिका…

१८ नोभेम्बर २०२६ | मध्यपूर्व / मध्यपूर्वमा अमेरिका र इरानबीचको सैन्य तनाव थप चर्किएको छ। इरानको केश्म टापुस्थित क्षेप्यास्त्र प्रक्षेपण…

-गोबिन्द राज ओझा (राजन ) अनन्त आकाशबीच चम्किने ताराका ज्योति हौँ हामी सबै, प्रकृतिका कणकणभित्र लुकेको चेतनाका मोती हौँ हामी…

प्रतिकृयाहरू
...