Saturday 28th November 2020

कविताः दुर्गापूजा – लोक छन्द:झ्याउरे -हरि शर्मा (गलकोटे कवि)


हिमालकी छोरी बनी जन्मिएकी शैलपुत्री ।
सबै शक्ति संभावना बोकिकन मनैभरी ।
आरधना गरेदेखि मनकामना पूर्ण हुने ।
धनधान्य, आरोज्ञसाथ मोक्ष पनि मिल्दै जाने ।१।🌷🙏🌺

ब्रम्हाचारिणिको रुप दोस्रो दिन दुर्गा गर्छिन् ।
ब्रम्हा जस्तो आचरण तपस्यामा लिन हुन्छिन् ।
पूजा गरेदेखि मिल्ला आयु शक्ति भौतिक सुख ।
चुम्बकीय शक्ति भनी मानिएको दोस्रो रुप ।२।🌷🙏🌺

मस्तकमा घण्टी जस्तै अर्धचन्द्र देखिएको ।
ध्वनी शक्ति मानिकन पूजा आजा गरिएको ।
तेस्रो दिन चन्द्रघंटा चौथो रुप कुष्माण्डाको ।
आदि शक्ति मानिकन पूजा गर्ने गरिएको ।३।🌷🙏🌺

स्कन्दमाता पाँचौ दिन माता स्वरुप मानिएको ।
कुमार अनि कार्तिकेय माता बन्छिन् स्कन्दको ।
छैठौँ रुप कात्यायिनी भनिकन जानिएको ।
कात्यको घर जन्मिनाले कात्यायिनी मानिएको ।४।🌷🙏🌺

महिषासुर बध भयो छैठौँ रुप लिदाँ खेरी ।
सातौँ रुप कालरात्री डर लाग्दो काल सरी ।
महागौरी आठौँ रुप जनहरु भन्ने गर्छन् ।
भद्रकाली भनिकन शरणमा पर्ने गर्छ्न् ।५।🌷🙏🌺

नवौँ दिन सिध्दिदात्री भनिकन मानिएको ।
चण्ड मुण्ड निशुम्भ र शुम्भ दैँत्य मारिएको ।
औजार र साधनहरु यसै दिन हुन्छ पूजा ।
दुवै दिन बलि दिँदा फलफूल दिए अति मजा ।६।🌷🙏🌺

एवं रितले पूजा सकी दशमीको दिन पारी ।
कपालमा जमरा त टीका हुन्छ निधार भरी ।
मान्यजन खोजीकन आशिर्वाद लिँदै डुल्ने ।
ठुलो चाड दशैँ मान्दै मिठा कुरा खाइ भुल्ने ।७।🌷🙏🌺

धन्यवाद!🌷🙏🌺
हरि शर्मा(गलकोटे कवि)
मिशिगन, अमेरिका । 🌷🙏🌺


Loading...
सम्बन्धित शीर्षकहरु

तितोपाटी- नेपाल उद्योग वाणिज्य महासंघको जारी निर्वाचनमा तीन स्थानमा शान्तिपूर्ण तवरले मतदान भइरहेका छन्। महासंघको कार्यालय टेकुमा समाचार तयार पार्दासम्म…

तीतोपाटी - रुकुम पश्चिममा जन्ती बोकेको जीप दुर्घटना हुँदा पाँचजनाको मृत्यु भएको छ। आठवीसकोट नगरपालिका–८, घारीखोलाबाट जन्ती लिएर फर्कदै गरेको…

तितोपाटी- संयुक्त राष्ट्रसंघले मध्यपूर्वमा संयमता अपनाउन आग्रह गरेको छ । इरानका एकजना वैज्ञानिकको हत्या भएपछि संयुक्त राष्ट्रंघले सो आग्रह गरेको…

प्रतिकृयाहरू