Saturday 21st November 2026

खोटाङ कुवेत सम्पर्क मञ्चको ७औं अधिवेशन तथा १६औं वार्षिकोत्सव सेप्टेम्बर २५ मा


खोटाङ कुवेत सम्पर्क मञ्चले आफ्नो ७औं अधिवेशन तथा १६औं वार्षिकोत्सव आगामी सेप्टेम्बर २५, २०२६ (२०८३ असोज ९ गते शुक्रबार) नेपालबाट अतिथि कलाकार कुवेत ल्याइ भव्य सांस्कृतिक कार्यक्रम गरेर मनाउने निर्णय गरेको छ।

कुवेतको साल्मिया स्थित एसियन नेपाली रेस्टुरेन्टमा संस्थाका अध्यक्ष विष्णुप्रसाद भट्टराईको अध्यक्षतामा गत शुक्रबार १७ जुलाइका दिन सम्पन्न २६औं मासिक बैठकले सर्वसम्मत रूपमा उक्त मितिमा अधिवेशन तथा वार्षिकोत्सव आयोजना गर्ने निर्णय गरेको हो।

संस्थाका अनुसार कार्यक्रम बिहान १० बजेदेखि सुरु हुनेछ भने कार्यक्रम स्थल तथा नेपालबाट आउने अतिथि कलाकारको जानकारी पछि सार्वजनिक गरिनेछ।

यस अवसरमा खोटाङ कुवेत सम्पर्क मञ्चले कुवेतमा क्रियाशील सम्पूर्ण नेपाली संघसंस्थाहरूलाई सोही दिन अन्य कार्यक्रम नजुधाई सहयोग गरिदिन हार्दिक अनुरोध गरेको छ। साथै, कुवेतमा रहेका सम्पूर्ण नेपाली दाजुभाइ तथा दिदीबहिनीहरूलाई कार्यक्रममा उपस्थित भई कार्यक्रमको गरिमा बढाइदिन पनि आग्रह गरेको छ।

मञ्चले वार्षिकोत्सव तथा अधिवेशनलाई कुवेतस्थित नेपाली समुदायबीच आपसी एकता, सहकार्य र सामाजिक सम्बन्ध सुदृढ गर्ने महत्वपूर्ण अवसरका रूपमा मनाइने जनाएको छ।


सम्बन्धित शीर्षकहरु

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

काभ्रे, मंसिर ३। काभ्रे जिल्लाको एक रिसोर्टबाट ३५ जापानीसहित ४० जना विदेशी नागरिकलाई प्रहरीले नियन्त्रणमा लिएको छ। दुई दिनभित्र काभ्रेका…

ढाका, नोभेम्बर १९। बंगलादेशमा पूर्वप्रधानमन्त्री शेख हसिनाको स्वदेश फिर्तीको विषयलाई लिएर राजनीतिक तनाव चुलिएको छ। हसिनाको पार्टी अवामी लिगका समर्थकहरू…

प्रतिकृयाहरू
...