तीतोपाटी – विश्वव्यापी महामारी नोवल कोरोना भाइरस कोभिड-१९ बाट संक्रमित हुनेहरूको संख्या १६ करोड नाघेको छ भने ३३ लाख भन्दा बढिको मृत्यु भएको छ । विभिन्न तथ्यांक सार्वजनिक गर्ने वर्ल्डवाइड वर्ल्डमिटर डट इन्फोका अनुसार बुधबार बिहान सम्म विश्वभरमा १६ करोड ३ लाख २४ हजार हजार भन्दा बढि मानिसहरू कोरोना संक्रमित भएका छन् भने संक्रमित मध्ये ३३ लाख ३१ हजार भन्दा बढिको मृत्यु भएको छ । हाल सम्म १३ करोड ८० लाख ५८ हजार हजार भन्दा बढि मानिसहरूले कोरोनालाइ जित्न सफल भएका छन् । हाल १ करोड ७९ लाख ३५ हजार भन्दा बढि उपचाररत छन् ।
वर्ल्डमिटरका अनुसार अहिलेसम्म सबैभन्दा धेरै संक्रमित हुने अग्रपंतिका देशहरूमा पहिलोमा अमेरिका, दोश्रोमा भारत र ब्राजिल रहेका छन् । अमेरिकामा हाल सम्म ३ करोड ३५ लाख ५० हजार भन्दा बढि संक्रमित भएका छन् भने भारतमा २ करोड ३३ लाख ४० हजार भन्दा बढि संक्रमित भएका छन् । त्यसै गरि ब्राजिलमा १ करोड ५२ लाख ८५ हजार भन्दा बढि संक्रमित भएका छन् ।
कोरोनाको कारण सबैभन्दा बढि मानिस मरेका अग्रपंतिका देशहरूमा पहिलोमा अमेरिका दोश्रोमा ब्राजिल र तेश्रोमा भारत रहेका छन् । अमेरिकामा हाल सम्म ५ लाख ९६ हजार भन्दा बढिको मृत्यु भइ २ करोड ६५ लाख ५८ हजार भन्दा बढि कोरोना निको भइ घर फर्केका छन् । हाल अमेरिकामा ६५ लाख ९३ हजार भन्दा बढि उपचाररत छन् ।
ब्राजिलमा ४ लाख २५ हजार भन्दा बढिको मृत्यु भएको छ भने १ करोड ३८ लाख ४७ हजार भन्दा बढि कोरोना निको भइ घर फर्केका छन् । ब्राजिलमा हाल १० लाख १२ हजार भन्दा बढि मानिसहरू कोरोनाको उपचाररत छन् ।
त्यसै गरि गत मार्च महिनादेखि कोरोनाको हटस्पट बन्दै अाएको र एकै दिनमा ४ लाख भन्दा बढि संक्रमण तथा ४ हजार भन्दा बढि मृत्यु भइ उच्च रेकर्ड राखेको भारतमा कोरोनाबाट मर्नेको संख्या २ लाख ५४ हजार नाघेको छ भने भारतमा १ करोड ३७ लाख ७६ हजार भन्दा बढि मानिसले कोरोनालाइ जितेर घर फर्केका छन् । त्यहाँ हाल ३७ लाख ९ हजार भन्दा बढि मानिसहरू उपचाररत रहेका छन् ।
भारतको खुला सिमाको कारण दैनिक ज्याला मजदुरी र रोजगारीमा जानेहरूको नेपाल फिर्तीले प्रभाव परेको नेपालमा हालसम्म ४ लाख १३ हजार १ सय ११ जना संक्रमित भइ ४ हजार ८४ जनाको मृत्यु भइसकेको छ । नेपालमा कोरोनालाइ जित्नेको संख्या ३ लाख १२ हजार भन्दा बढि छ भने हाल ९७ हजार भन्दा बढि मानिसहरू उपचाररत रहेका छन् ।
