Thursday 19th November 2026

कविताः एकता वेपत्ता – लोक छन्द: झ्याउरे -हरि शर्मा (गलकोटे कवि)


एकता नानी बेपत्ता भइन् बहुदल आएर
स्वार्थका भोगी कुरौटे नेता दलमा लागेर
आर्जेका थिए पुर्खाले जोडी बाइसे चौविसे
पारेर टुक्रा लगाए बिलो स्वार्थका भोगिले ।१।🌷🙏🌺

तड्पिन थालिन् एकता नानी कुनामा बसेर
एकता मार्न जुटेका बिच्छी सर्पले डसेर
कुर्सीमा पुगी सम्पति जोड्ने मनमा पाप छ
त्यसैले होला जुट्ने र फुट्ने नाटक चल्दछ।२।🌷🙏🌺

नेपाल आमा काटेर बिलो नेताले लगाए
सबैले मिली आमाको मासु खाएर अघाए
देशको हैन आफूको हित सोचेर जुटेका
आफूको सर्द नपर्न देखी तत्काल फुटेका ।३।🌷🙏🌺

सत्यता नानी सभ्यता नानु भव्यता शुध्दता
बिलौना गर्छ्न् चित्कार गरी कुनामा बसेका
दुष्टता नानी कपटी बानी अहिले हावी छन्
दानवसाथ मित्रता गाँसी लोकमा डुल्दैछन् ।४।🌷🙏🌺

सबैको इच्छा भलाई भए जुटेर गर्दामा
एकता नानी खुशीले बस्छिन् आएर साथमा
दिनको लागि लडाइँ हो कि आफूले लिनको
शंका नै लाग्छ चरित्र देख्दा नक्क्ले नेताको ।५।🌷🙏🌺

नेपाली हामी विश्वमा नामी एकता पुजारी
जुटेमा हामी भलाई हुन्छ माहुरी जसरी
ढेडुवा जस्तो गुटमा भुल्दा मान्यता नहोला
मरेर जानु सबैले पर्छ नश्वर यो चोला ।६।🌷🙏🌺

 

-हरि शर्मा(गलकोटे कवि)
मिशिगन, अमेरिका ।


सम्बन्धित शीर्षकहरु

काठमाडौं । भूमिहीन दलित, भूमिहीन सुकुम्बासी तथा अव्यवस्थित बसोबासीको समस्या समाधान गर्ने अभियानअन्तर्गत सरकारले पाँचवटा स्थानीय तहलाई भूमिहीन समस्यामुक्त पालिका…

१८ नोभेम्बर २०२६ | मध्यपूर्व / मध्यपूर्वमा अमेरिका र इरानबीचको सैन्य तनाव थप चर्किएको छ। इरानको केश्म टापुस्थित क्षेप्यास्त्र प्रक्षेपण…

-गोबिन्द राज ओझा (राजन ) अनन्त आकाशबीच चम्किने ताराका ज्योति हौँ हामी सबै, प्रकृतिका कणकणभित्र लुकेको चेतनाका मोती हौँ हामी…

प्रतिकृयाहरू
...