Thursday 19th November 2026

कविताः जस्तो सोच्यो उस्तै हुन्छ – लोक छन्दः सवाई -हरि शर्मा (गलकोटे कवि)


राम्रो कुरा गर्‍यो भने राम्रै आईलाग्छ
भाइसाथी भएपछि मौका मिलिहाल्छ
शारदाको पूजा गर्दा धेरै साथी भेटेँ
सबैसँग मित्रभाव रहेको म देखेँ ।१।🌷🙏🌺

ब्रह्माण्डमा सबै चिज चक्र जस्तै चल्छ
सबै चिज शुन्यतामा परिक्रमा गर्छ
यौटा चिज अर्कोलाई आकर्षण गर्छ
गुरुत्वको नियमले यही कुरा बोल्छ ।२।🌷🙏🌺

आगो सदा तातो हुन्छ सबैलाई पोल्छ
पानी सदा चिसो हुन्छ शितलता दिन्छ
प्रकाशको अन्धकार नाश गर्ने काम
हावा दिन्छ प्राण वायु जिन्दगीको नाम ।३।🌷🙏🌺

समयले आफ्नो चर्खा घुमाएरै छाड्छ
पुरुषार्थी सत्यवादी सबैलाई मार्छ
दिमागको विचारमा पनि शक्ति हुन्छ
यही शक्ति शुन्यतामा घुमी घुमी डुल्छ ।४।🌷🙏🌺

भन्ने कुरा सुन्दा मान्छे अलमल पर्छ
सत्य कुरा सधैँभरि जगतमा टिक्छ
दिमागको विचारले बाह्य रूप देख्छ
भित्र भए बमोजिम ब्रम्हाण्डमा पोख्छ ।५।🌷🙏🌺

जस्तो ओइरो उस्तै पैरो संसारको नीति
संगतले तय गर्छ दिमागको मति
दिमाग हो फूलबारी हराभरा पारौँ
राम्रा राम्रा रुख रोपौँ बनमारा मारौँ ।५।🌷🙏🌺

हरि शर्मा 🌷🌺🌼
मिशिगन, अमेरिका ।🌷🙏


सम्बन्धित शीर्षकहरु

काठमाडौं । भूमिहीन दलित, भूमिहीन सुकुम्बासी तथा अव्यवस्थित बसोबासीको समस्या समाधान गर्ने अभियानअन्तर्गत सरकारले पाँचवटा स्थानीय तहलाई भूमिहीन समस्यामुक्त पालिका…

१८ नोभेम्बर २०२६ | मध्यपूर्व / मध्यपूर्वमा अमेरिका र इरानबीचको सैन्य तनाव थप चर्किएको छ। इरानको केश्म टापुस्थित क्षेप्यास्त्र प्रक्षेपण…

-गोबिन्द राज ओझा (राजन ) अनन्त आकाशबीच चम्किने ताराका ज्योति हौँ हामी सबै, प्रकृतिका कणकणभित्र लुकेको चेतनाका मोती हौँ हामी…

प्रतिकृयाहरू
...