Thursday 19th November 2026

प्रेमिल पाँच मुक्तकहरू -हरि शर्मा (गलकोटे कवि)


माया बोल्छ मुक्तकबाट ।
एक छैन मुक्तक पाँच वटा ।। ???

कतै बन्यौ, आगो तिमी, कतै थोपा शीत ।
नगाईने किन होला कतै तिम्रो गीत ।
कति खप्छौ चेली तिमी पिर ब्यथाहरु
अन्यायले छोपी सक्यो लडिकन जीत ।<१> ???

माया नै हो जीवनमा रंग भरिदिने ।
मायाले नै मायालुको उद्दार गरिदिने ।
राम्रो साथी छानिकन माया लाउँने गर
नछान्नु है दु:ख पर्दा पाखा सरिदिने । <२>???

रावण शक्तिशाली, घमण्डले मार्‍यो ।
बलि अति दानी, दान बन्धन पार्‍यो ।
घमण्ड गर्नु कतै पनि उत्तम मानिदैन
सीतालाई घमण्डले लंकातिर सार्‍यो । <३>???

जीवनमा कसैको पनि बन्नु हुन्न दासी ।
मायाले कैले मायालुलाई चढाएन फाँसी ।
शर्त राखी माया गरे स्वार्थको खेल
यस्तो माया राख्नुभन्दा छाड्नु हाँसी-हाँसी ।<४>???

मायालुको माया बुझ्न गाह्रो पर्छ अरे ।
नबुझेर कैले काहीँ सारो पर्छ अरे ।
कस्तो मुर्ख मान्छे होला नबुझेको माया
माया,साया भुले हात, छाया पर्छ अरे ।<५> ???

हरि शर्मा म
गलकोटे कवि म
मिशिगनमा ।


सम्बन्धित शीर्षकहरु

काठमाडौं । भूमिहीन दलित, भूमिहीन सुकुम्बासी तथा अव्यवस्थित बसोबासीको समस्या समाधान गर्ने अभियानअन्तर्गत सरकारले पाँचवटा स्थानीय तहलाई भूमिहीन समस्यामुक्त पालिका…

१८ नोभेम्बर २०२६ | मध्यपूर्व / मध्यपूर्वमा अमेरिका र इरानबीचको सैन्य तनाव थप चर्किएको छ। इरानको केश्म टापुस्थित क्षेप्यास्त्र प्रक्षेपण…

-गोबिन्द राज ओझा (राजन ) अनन्त आकाशबीच चम्किने ताराका ज्योति हौँ हामी सबै, प्रकृतिका कणकणभित्र लुकेको चेतनाका मोती हौँ हामी…

प्रतिकृयाहरू
...