Thursday 19th November 2026

मोहनी – मारुनी छन्द -हरि शर्मा (गलकोटे कवि)


फेसबूक मोहनी लगायो।
मोहनीले बेहोस बनायो।
टुनामुना कसले गरेको।
सत्यानास यसले पारेको ।१।???

लौन राम्ररी खुटाईदेउ ।
मोहनी पनि फुकाईदेउ ।
फेस्बूकमा बसाई लम्बियो।
समयको शिकारी बन्दियो ।२।???

उम्कने जुक्ति सिकाईदेउ।
बस्ने समय टिकाईदेउ ।
दुई चोटी भ्रमण दिनमा ।
गर्छु फेसबूक शहरको।३।???

रातिमा नि अनौठो सपना ।
देख्छु लाईक र शेयरको ।
भोक तिर्खा चोरेरै लिएको।
पागल नै बनाई दिएको।४।???

फेसबूके नशाले मतायो।
साढेसात दशाले सतायो ।
झट्ट उपाय सिकाईदेउ ।
काममा मन लगाईदेउ ।५।???

फेसबूके डाँकु बेईमानी।
समय चोर्ने यो हरामी ।
घनिष्ठ मित्रता बढाऊ ।
बेकामे मित्रता हटाऊ ।६।???

हरि शर्मा (सुबेदी)
नुवाकोट-गलकोट, बागलुङ नेपाल
हाल: मिशिगन अमेरिका ।


सम्बन्धित शीर्षकहरु

काठमाडौं । भूमिहीन दलित, भूमिहीन सुकुम्बासी तथा अव्यवस्थित बसोबासीको समस्या समाधान गर्ने अभियानअन्तर्गत सरकारले पाँचवटा स्थानीय तहलाई भूमिहीन समस्यामुक्त पालिका…

१८ नोभेम्बर २०२६ | मध्यपूर्व / मध्यपूर्वमा अमेरिका र इरानबीचको सैन्य तनाव थप चर्किएको छ। इरानको केश्म टापुस्थित क्षेप्यास्त्र प्रक्षेपण…

-गोबिन्द राज ओझा (राजन ) अनन्त आकाशबीच चम्किने ताराका ज्योति हौँ हामी सबै, प्रकृतिका कणकणभित्र लुकेको चेतनाका मोती हौँ हामी…

प्रतिकृयाहरू
...