Saturday 21st November 2026

कुवेतमा इरानी मिसाइल र ड्रोन आक्रमणपछि उडान स्थगित


कुवेतले बुधबार हवाई यातायात स्थगित गरेको छ, किनकि इरानी मिसाइल र ड्रोन आक्रमणले कुवेत अन्तर्राष्ट्रिय विमानस्थलको टर्मिनल–१ मा प्रहार गर्दा मानविय क्षति र विमानस्थलका संरचनामा क्षति भएको नागरिक उड्डयन महानिर्देशनालय (DGCA) ले जनाएको छ।

DGCA का प्रवक्ता अब्दुल्लाह अल–राजीले आक्रमणपछि विमानस्थलको आपतकालीन योजना सक्रिय गरिएको र यात्रु तथा कर्मचारीहरूको सुरक्षालाई सुनिश्चित गर्न तथा विमानस्थलको संरचना सुरक्षित राख्न सुरक्षा तथा प्राविधिक उपायहरू लागू गरिएके बताए।

अल–राजीका अनुसार अर्को सूचना नआएसम्म हवाई यातायात स्थगित गरिएको छ र उडानहरू नजिकका वैकल्पिक विमानस्थलतर्फ मोडिएको छ। उनले थपे कि क्षतिको मूल्याङ्कन र आवश्यक मर्मत कार्य पूरा नहालसम्म यो स्थगन जारी रहनेछ।
प्राविधिक टोलीहरूले क्षतिको स्तर मूल्याङ्कन गरिरहेका छन् र त्यसपछि मर्मत कार्य सुरु गरिने उनले जानकारी दिए।


सम्बन्धित शीर्षकहरु

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

काभ्रे, मंसिर ३। काभ्रे जिल्लाको एक रिसोर्टबाट ३५ जापानीसहित ४० जना विदेशी नागरिकलाई प्रहरीले नियन्त्रणमा लिएको छ। दुई दिनभित्र काभ्रेका…

ढाका, नोभेम्बर १९। बंगलादेशमा पूर्वप्रधानमन्त्री शेख हसिनाको स्वदेश फिर्तीको विषयलाई लिएर राजनीतिक तनाव चुलिएको छ। हसिनाको पार्टी अवामी लिगका समर्थकहरू…

प्रतिकृयाहरू
...