Saturday 21st November 2026

प्रवासी नेपाली मञ्च कुवेतको समन्वयमा झापाकी कल्पना भुजेलको शव नेपाल पठाइँदै


फकिर – गत जुलाई १५ तारिक कुवेतस्थित मुबारक अल कबिर अस्पतालमा उपचारको क्रममा मृत्यु भएकी कल्पना भुजेलको शव नेपाल पठाईने भएको छ । प्रवासी मञ्च कुवेतको समन्वयमा भुजेलको शव आईतबार नेपाल पठाउन लागिएको हो । शव पठाउन लाग्ने दस्तुर ( एयरवे बिल ) बापतको ३ सय ८५ दिनार प्रवासी मञ्च कुवेतको अनुरोधमा मञ्चको अन्तराष्ट्रिय श्रमिक कोषबाट उपलब्ध भएपछि अन्तत: कल्पनाको शव नेपाल पुग्ने भएको हो । प्रवासी मञ्च कुवेतका नवनिर्वाचित अध्यक्ष रूपेन हमालका अनुसार शव लैजानका लागी सबै प्रकृया पूरा गरेर आज आईतबार साँझ कुवेत एयरवेजको उडानबाट नेपाल पठाईन लागिएको हो ।

नेपालको एजेण्ट भनिने धनिराम राईलाई पैसा बुझाएर ६ महिनाअघि मात्रै कल्पना कुवेत आएकी थिइन् । स्वास्थ्यमा समस्या आएपछि उनले आफूलाई नेपाल फर्काईदिनको लागी कुवेतकै अर्का एक एजेन्टलाई अनुरोध गरेको थिईन् तर उक्त एजेण्टका ब्यक्तिले एकलाख पैसा लिएर उनलाई नेपाल नफर्काई फरार भएको थियो ।

दिनदिनै स्वास्थ्य अवस्था कमजोर भएपछी नेपाली दूतावासको संरक्षणमा बस्दै आईरहेकी उनलाई मुबारक अल कबिर अस्पताल पठाईएको थियो । उपचारकै क्रममा उनको मृत्यु भएको नेपाली दूतवासले पुष्टी गरेको छ । तर, उनको के कारणले मृत्यु भएको हो भन्ने बारे चाँहि यकिन भएको छैन । मृतक भुजेलको स्थायी ठेगाना शिवसतासी नगरपालिका – २ झापा भएको खुल्न आएको छ ।


सम्बन्धित शीर्षकहरु

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

काभ्रे, मंसिर ३। काभ्रे जिल्लाको एक रिसोर्टबाट ३५ जापानीसहित ४० जना विदेशी नागरिकलाई प्रहरीले नियन्त्रणमा लिएको छ। दुई दिनभित्र काभ्रेका…

ढाका, नोभेम्बर १९। बंगलादेशमा पूर्वप्रधानमन्त्री शेख हसिनाको स्वदेश फिर्तीको विषयलाई लिएर राजनीतिक तनाव चुलिएको छ। हसिनाको पार्टी अवामी लिगका समर्थकहरू…

प्रतिकृयाहरू
...