पछिल्लोपटक दर्शकहरुको रोजाइमा परेको चलचित्र ‘परदेशी २’ आगामी २३ नोभेम्बरमा मध्यपूर्वका कुवेत लगायतका देशहरूमा प्रदर्शनमा आउने भएको छ । अन्तर्राष्ट्रिय वितरण कम्पनी सेभेन सिजन र मध्यपूर्व वितरक नेप-फिल्म्सले यो चलचित्रलाई पाँच मुलुकमा पर्दशन गर्न लागेको हो । वितरक रमेश ढकालका अनुसार कुवेत, कतार, युएई, बहराइन र ओमानमा चलचित्र प्रदर्शन हुने निश्चित भएको हो ।
राजेश वंशल निर्माता रहेको चलचित्रलाई नारायण रायमाझीले निर्देशन गरेका हुन् । परदेशिएका नेपालीको कथा ब्यथा समेटिएर तयार भएको चलचित्रमा प्रकाश सपुत केकी अधिकारी बर्षा सिवाकोटी लगायतका कलाकारको शीर्ष भूमिका रहेको चलचित्र ‘परदेशी’को दोस्रो श्रृंखला हो । यतिबेला नेपालमा चलचित्र परदेशी २ सफलता पुर्वक प्रदर्शन भईरहेको छ।
केहि दिन पहिला निरेम ग्रुपको पहलमा चलचित्र “भष्मेडन” भब्य रूपमा पर्दर्शनमा आएको थियो।
