काठमाडौं – मुम्बई उड्न लागेको एक जहाजमा शंकास्पद व्यक्ति रहेको सूचनापछि प्रहरीले सबै यात्रु ओरालेको छ । प्रहरी मुख्यालयको सूचनाका आधारमा दिउँसो नेपाल एयरलाइन्सको न्यारोबडी ३२० जहाजबाट यात्रु ओरालेर अनुसन्धान थालिएको काठमाडौं उपत्यका प्रहरी कार्यालयका प्रमुख रविन्द्र धानुकले बताए । उनका अनुसार एकजना शंकास्पद व्यक्ति पक्राउ परेका छन् ।
उनका अनुसार दिउँसो उक्त जहाजको उडान दिउँसो १:१० मा थियो । मुम्बई उड्नुपर्ने शंकास्पद व्यक्ति रहेको सूचना आएपछि सबै यात्रु ओरालेर जाँच भइरहेको छ । जहाजमा १४१ जना यात्रु रहेको बताइएको छ ।
