तीतोपाटी डटकम-समाचारदाता -बोस्टन, अमेरिका,नियात्रकार गीता खत्रीको पछिल्लो नियात्रा कृति “उडेको आकाश, डुलेको धर्ती ” माथि शनिवार छलफल गरिएको छ । अन्तर्राष्ट्रिय नेपाली साहित्य समाजको नियमित कार्यक्रम अनेसास संवादको ८४ औँ शृंखलामा गरिएको उक्त छलफलमा विभिन्न 
वक्ताहरुले खत्रीको कृतिमाथि विचार राखेका थिए ।
कार्यक्रममा डा. दामोदर पुडासैनी किशोर, डा. ज्ञानु पाण्डे, र डा. रजनी ढकालले कृतिमाथि समीक्षात्मक विचार राखेका थिए भने नियात्राकार खत्रीद्वारा लेखकीय मन्तव्य राखिएको थियो ।
अनेसासका केन्द्रीय अध्यक्ष प्रकाश पौडेल माइला, वरिष्ठ उपाध्यक्ष गोवर्द्धन पूजा र महासचिव सर्वज्ञ वाग्लेको पनि मन्तव्य राखिएको उक्त कार्यक्रममा खतिवडाले पनि समीक्षात्मक टिप्पणी राखेकी थिइन् ।
कविता, गीत , कथा, नियात्रालगायतका विधामा कलम चलाउने खत्री अनेसास बोर्ड अफ ट्रष्टीका सभापति पनि हुन् ।
