सरकारको हुकम सुनाउन मर्जी भयो ।
बस्ती बस्यो ऐलानीमा उठाउन मर्जी भयो ।।
दिन दु:खी जनता जान्छन कहाँ कठैबरा
जन्ता हटाउन सेना जुटाउन मर्जी भयो ।
लास माथी लास खातै-खात परेको बेलामा
अन्यायको काम कुरा लुकाउन मर्जी भयो ।
सत्ता-भत्ता चाहिने काम केही नगरे पनि
अर्दली लाई कुर्सी नै घुमाउन मर्जी भयो ।
चतुर भए नेता जनतालाई ठगी गर्दै
काम हुन्छ भनि अझै बुझाउन मर्जी भयो ।
सोमनाथ लुइटेल ‘रवि’
पाल्पाली
हालः युगाण्डा ।
