Sunday 22nd November 2026

कविताः मान्दछौ सत्यता – छन्द: स्रग्धरा -हरि शर्मा (सुवेदी) ‘गलकोटे कवि’


म्रभ्नैर्यानां त्रयण्, तृमुनियतियुता:, स्रग्धरा कीर्तितेयम् ।>🌷🙏🌺

पापी बानी बढायो अकलगुम बनी कंस त्यो पातकीले
आफ्नै बाबा दुखायो हरपल पिरमा दुष्ट त्यो घातकीले
पापी धेरै कराए सडक सडकमा लोकमा आजभोलि
हाकाहाकी मिसाए तडक भडकको प्रीतमा धूर्त बोली ।१।🌷🙏🌺

आफ्नो मात्रै प्रशंसा दिनभर मुखमा तामसी मान्यतामा
आगो बाल्दै जुटेका असल चलनका ज्ञानका पुस्तिकामा
बेकम्मा ती जुटाए अजब गजबका नाच्दछ्न उग्रवादी
दुष्टात्माले लुकाई हरपल मनमा राख्दछ्न दुष्ट साथी ।२।🌷🙏🌺

बानी आफ्नो बदल्नै झटपट नसकी गर्दछन आनकानी
अर्कालाई दुखाए अनुमति नलिई सोच्दछ्न मानहानी
मृत्तात्मा जो रमाई हरपल जनको ठोक्दछ्न पाखुरीमा
राम्रा मान्छे विरोधी जनक र जननी मार्दछ्न जासुसीमा ।३।🌷🙏🌺

बानी हाम्रो बढेको दिनदिन थपिँदै हट्दछ्न ढुक्कसाथ
राम्रो बानी बढाऊँ झटपट तसरी बढ्दछन शान्तिसाथ
बेहोराले चिनायो कुन असल भनी भन्दछिन सान्त्वनाले
ढाँट्ने छ्ल्ने भएमा असल गजबको मान्दछिन दुष्टताले ।४।🌷🙏🌺

बानी पारौँ बिचारी भरसक असली कार्यको साधनाकाे
जान्दा बुझ्दा भलाई अकपट गतिलो माधुरी भावनाको
आनीबानी सुधारौँ सकल जन मिली तामसी राक्षसीको
बाचा बाँधौँ सबैले अलमल नगरी मान्दछौ सत्यता त्यो ।५।🌷🙏🌺

हरि शर्मा (गलकोटे कवि)
मिशिगन, अमेरिका ।🌷🙏🌺


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...