Sunday 11th April 2021

कविताः लक्ष्यभेद – छन्दः लक्ष्मी -हरि शर्मा (सुवेदी) ‘गलकोटे कवि’


मगण सगण तगण भगण गुरु गुरु
आठ अक्षरमा विश्राम ।

सबैजनामा साहित्यिक नमन! भनिन्छ लक्ष बिनाको जीवन धागो बिनाको चंगाजस्तै हुन्छ । मान्छेले आफूले चाहे अनुसार आफूलाई परिमार्जित गर्नसक्ने शक्ति प्राप्त गरेको छ । तर पशुमा यो सम्भव छैन । प्रशिध्द मोटिभेटर टोनी रविन्स, ज्याक क्यान फिल्ड, रोन्डा बर्न्सको भनाइ अनुसार आफ्नो लक्ष बनाउन सके हाम्रो नोकर जस्तो दिमागले हामीले चाहेको कुरा हामी समक्ष ल्याईपुराउने छ । हाम्रो धर्म शास्त्रमा पनि सँधै राम्रा विचारहरू राख भनिएको छ । गौतम बुध्दको पनि भनाइ यस्तै भएको पाउँछौँ हामी । कसैमा भ्रमको सिर्जना नहोस् कि मैले सिकाउँदैछु । मैले कसैलाई सिकाउन खोजेको हैन आफूले गरेर सिक्न खोजेको । सुझावको अपेक्षा गर्दछु । गल्ती भएमा क्षमा माग्दछु ।🌷🙏🌺

लक्ष्मीपुत्र बनौँ हामी त्यतातिर ताकौँ
सेवाभाव ठुलो भन्छ्न् उतातिर लागौँ
लक्ष्मी धूप बले राम्रो हुने धन आफ्नो
आफ्नो मात्र नसोचेमा हुने खुब राम्रो ।🌷🙏🌺

देवी देव बसेका छ्न् सफा मन राखी
सोछे पुग्छ सबै भन्छ्न् लक्ष्यतिर ताकी
सेवा गर्न सिके देख्छौँ भलो जनताको
मान्छे दुष्ट बनेका छ्न् हुने छल औधी ।🌷🙏🌺

राम्रो काम हुने पूजा गरौँ मन चोखो
मर्नै पर्छ सबै हामी जुनी बुझ छोटो
आयो सुट्ट गयो झट्टै छ नाटक यस्तो
यस्तो सत्य नमानेमा बुरा मन हाम्रो ।🌷🙏🌺

राम्रो लक्ष्य नराखेमा हुने पशु जस्तै
खायो टन्न हुँदै दङ्गै डुल्यो तलमाथि
राम्रो मानवको चोला नभैकन घाती
गर्दा घात जुनी बित्ने छ मानव पापी ।🌷🙏🌺

देख्ने स्वर्ग यहीं हामी हुँदा मन साक्षी
डुब्ने नर्क यतै मिल्ला सँधै मुख ताकी
हाम्रो लक्ष्य पुरा होला जुटे अब साथी
यौटा मात्र सबै खोस्दा हुने तलमाथि ।🌷🙏🌺

-हरि शर्मा (सुवेदी)-गलकोटे कवि
मिशिगन अमेरिका ।🌷🙏🌺


Loading...
सम्बन्धित शीर्षकहरु

तितोपाटी- कर्णाली प्रदेशका मुख्यमन्त्री महेन्द्रबहादुर शाहीले तीन जना मन्त्रीले दिएको राजीनामा स्वीकृत गरेका छन् । एमालेका तर्फबाट मन्त्री बनेकाहरूले दिएको…

तितोपाटी- कुवेतले कोभिड-१९ विरूद्धको खोप सुरु गरेको तीन महीनामा ७ लाख ६ हजारले भन्दा बढिले कोरोना विरूद्धको खोप लगाएका छन…

तितोपाटी- केही दिन अगाडि एनआरएन, पोर्चुगलका कोषाध्यक्षले फर्जी टिकट र फर्जी रेमीट्यान्स बनाई सयौं नेपालीलाई ठगेका छन्। यसबाट पोर्चुगलमा ठगलाई…

प्रतिकृयाहरू