चारैतिर शान्तिको बीउ छरम जस्तो लाग्यो ।
नमेटिने मायाको रङ्ग भरम जस्तो लाग्यो ।
रातभरी जुनतारा दिउँसो न्यानो घाम बनी,
आकाशबाट धर्ती माथि झरम जस्तो लाग्यो ।
भए जति मेरो खुशी, सबै उपहार दिइ,
तिम्रो सारा पिडाहरू हरम जस्तो लाग्यो ।
हिमाल पहाड तराईमा दुःख सुख साट्दै
जिन्दगीको यात्रा सँगै गरम जस्तो लाग्यो ।
सैयाैं जुनी उनकै हुनि चाहना यो बढेपछि,
दुनिया नै भुली नजिक सरम जस्तो लाग्यो ।
प्रतिमा शिवाकोटी
कालिन्चोक गा. पा. – ८
सुनखानी, दोलखा
बागमती प्रदेश ।
(रचनाः २०७७ चैत्र ०७ शनिबार)
