मुक्तक
१
यो धर्तीबाट सधैं बिदा लिन मन छ ।
आफूसँग भएको ज्ञान दिन मन छ।
ज्ञान जति दियो उति बढ्छ भन्छन्,
ज्ञान बाँडेर सदैब चिनिन मन छ।
२
जसले प्रेमीका ठान्यो मलाई।
उसले आज पराई मान्यो मलाई।
पागल प्रेमी हुँ भनि गुणगान गायो,
आज मुटुमा तीर हान्यो मलाई।
३
जति चोट दिए पनि सहन्छु म।
मेरो रगत पिए पनि सहन्छु म।
चोट दिने जति आफन्त नै हुन,
मेरो ज्यानै लिए पनि सहन्छु म।
४
राजनीतिमा छलफल त भइहाल्छ।
पार्टी पार्टीमा सधैं कल त भइहाल्छ।
सडक देखि सदन तताए पछि मात्र,
एकदिन समस्याको हल त भइहाल्छ।
५
आँशु बिक्ने शहर चाहिएको छ।
पीडा किन्ने शहर चाहिएको छ।
आँसु, वेदनाले छट्पटिएको बेला,
हाँसो जुट्ने शहर चाहिएको छ।
सुशीला पौडेल
अर्घाखाँची
हाल:-काठमाडौ
