पैलो भेट्मै पिरतीको लगन गाँठो कस्यौ सानू ।
झूटो माया जालमा परी नराम्ररी फस्यौ सानू ।
स्वर्गका ती अप्सरा झैँ बनी हिड्न अरु सामु,
सोह्र शृङ्गारका सामान शरीर भरी घस्यौ सानू ।
मुटु क्षिया क्षिया पर्ने धारिलो त्यो हतियार भै,
दिल भित्र डेरा जमाइ खै कसरी बस्यौ सानू ।
हरेक पाइलै पिछे तिमी ठान्थ्यौ मेरै जित हुन्छ,
सफलताको शिखर चुम्नु पैले भैंमा खस्यौ सानू।
तिमी नै हौ मेरो जीवन तिमी सारा खुशी भनी,
मुखमा रामराम बगलिमा छुरा किन धस्यौ सानू।
प्रतिमा शिवाकोटी
कालिन्चोक गा पा ८ सुनखानी दोलखा
बागमती प्रदेश ।
रचना: २०७७ चैत्र ४ बुधबार
