रसै रुद्रैश्छिन्ना, यमनसभलाग: शिखरिणी ।🌷🙏🌺
दियालो झुप्रोमा झलमल गरी जल्दछ जब
प्रवासी प्रस्थायी अलमल बिना फिर्दछ घर
सबैको आत्मामा सरल मनुवा बस्दछ जब
खुशीले हाँसौला सबजन मिली प्रार्थक तब ।१।🌷🙏🌺
प्रणाली बस्नेछिन् कुसुम मनकी प्राञ्जल बनी
गरीबी भाग्नेछिन् खलबल गरी बिक्षत बनी
सुरक्षा भिड्नेछिन् सबल करमा बन्दुक गरी
चुनेकी शिक्षाले प्रविधि घरमा कौशल सँगी ।२।🌷🙏🌺
उजेली डुल्नेछिन् हिमशिखरका पर्वत जता
खुशीमा भुल्नेछ्न् स्वसुर गृहमा शंकर त्यता
नदीले पोख्नेछिन् कलकल खुशी रौनक जति
शिलाले गर्नेछिन् ठिमठिम गरी नाटक अति ।३।🌷🙏🌺
उषाले भन्नेछिन् झटपट छिटो उठ्नुछ सँगी
निशा ती घुम्नेछिन् झिसमिस हुँदा दीपकसँगे
बनौँला नेपाली विकसित ठुला लेखक पनि
गरौँला नेपाली फकिर जनता कौशल सँगी ।४।🌷🙏🌺
मिलेरै बस्नेछ्न् सकल दलका मालिक पनि
डराई भाग्नेछिन् वनतिर झगडा पागल बनी
तुरुन्तै हट्नेछ्न् छल कपटका कर्तुत पनि
बसौँला नेपाली सकल जगका नायक बनी ।५।🌷🙏🌺
हरि शर्मा (सुवेदी)-गलकोटे कवि
मिशिगन अमेरिका💐🌷🌺🌼
