Thursday 19th November 2026

ब्यङ्ज्ञ कविता: लोभी बिरालो भान्से बन्यो – लोक प्रिय छन्द: झ्याउरे -हरि शर्मा (गलकोटे कवि)


बिरालो भान्से भएको बेला बेसरी मोटायो
आफूका गुट भित्रका ढाडे पदमा खटायो
बाँदरहरू परेका ट्वाल्ल उसको जात्राले
श्यालको कतै आएन पालो बेसरी कराए ।१।🌷🙏🌺

मान्छेले भने बिरालो भान्से देखेर डरायो
बिरालो छोयो कसरी खाने भनेर करायो
बाँदरभित्र गुरिल्ला थियो ढेडुको मालिक
फाइदा आफ्नो देखेन कतै फुटायो सालिक ।२।🌷🙏🌺

खटायो ढेडु बिगार्न भनी पहाड तराई
बेसरी तानी खोजेको खोस्न तिहुने कराई
बिरालो भान्से अति नै बाठो कराई घोप्ट्यायो
लोभी त्यो काट्टे कुरौटे ढाडे डाडुले हिर्कायो ।३।🌷🙏🌺

कुरेका श्याल आयो है पालो भनेर कराए
यो बेला हामी जुटेर लडौँ भनेर भट्याए
कुकुर श्याल बिरालो अनि बाँदर उस्तै हुन्
सबैको जात्रा देखेर मान्छे आजित देखिन्छ्न् ।४।🌷🙏🌺

बाघले पनि कुनामा बसी जोखना हेरेको
आफूको पालो आउला कतै भनेर कुरेको
बाघले पनि खाएको थियो प्रशस्त लुटेर
आफन्त बाघ मारेको थियो जालमा पारेर ।५।🌷🙏🌺

अनौठी नानी कुनामा बसी तमासा हेरेकी
अचम्मसाथ उत्साहसाथ के भयो सोधेकी
अचम्म आफू बुझेको सबै मुसुक्क हाँसेको
उसले भन्यो यस्तै हुन् जन्तु चेतना बिनाको ।६।🌷🙏🌺

 

-हरि शर्मा(गलकोटे कवि)🌷🙏🌺
मिशिगन, अमेरिका । 🌷🙏🌺


सम्बन्धित शीर्षकहरु

काठमाडौं । भूमिहीन दलित, भूमिहीन सुकुम्बासी तथा अव्यवस्थित बसोबासीको समस्या समाधान गर्ने अभियानअन्तर्गत सरकारले पाँचवटा स्थानीय तहलाई भूमिहीन समस्यामुक्त पालिका…

१८ नोभेम्बर २०२६ | मध्यपूर्व / मध्यपूर्वमा अमेरिका र इरानबीचको सैन्य तनाव थप चर्किएको छ। इरानको केश्म टापुस्थित क्षेप्यास्त्र प्रक्षेपण…

-गोबिन्द राज ओझा (राजन ) अनन्त आकाशबीच चम्किने ताराका ज्योति हौँ हामी सबै, प्रकृतिका कणकणभित्र लुकेको चेतनाका मोती हौँ हामी…

प्रतिकृयाहरू
...