Thursday 19th November 2026

कविताः शुभकामना नयाँ वर्षको – लोक छन्दः झ्याउरे -हरि शर्मा (गलकोटे कवि)


शुभकामना नयाँ वर्षको 🌷🙏🌺
लोक छन्द: झ्याउरे~🌷🙏🌺
~जनप्रिय लोक छन्द: झ्याउरे~🌷🙏🌺

अंग्रेजी नयाँ वर्षको दिएँ म शुभकामना
हजुरहरु सबैका पुगुन् मनका भावना
कामना मात्र भएर हुन्न कर्मको पुजारी
भएमा मात्र कर्मको फल मिल्दछ बेसरी।१।🌷🙏🌺

सपना देखी अमिर हुन्न लोकमा भिखारी
देशमा नेता भएको देख्छौँ गफका पुजारी
गफको वाण बनाई बने व्याधा र शिकारी
हजुर हाम्रो अवस्था बिग्र्यो यिनले बिगारी ।२।🌷🙏🌺

आफूको भन्दा अरुको सेवा मनमा पलाओस्
परोपकार नेताको लक्ष नेताले बनाओस्
व्यापारी पनि अरुको सेवा मनमा जमाओस्
ठगेर हैन सेवाले मात्र प्रशस्त कमाओस् ।३।🌷🙏🌺

डाक्टर पनि धनमा भन्दा सेवामा रमाओस्
किसान पनि अन्याय कर्ता जानेर समाओस्
देशको शिक्षा पध्दति सँधै बेहोरा सिकाओस्
देशको भक्ति मनमा राख्ने शासक बनाओस् ।४।🌷🙏🌺

देशमा हुने गुट र चिरा जुटेर एकता
भएमा मात्र हुनेछ लाभ मूल्य र मान्यता
साहित्यभित्र गुट र झुण्ड घटेमा हटेमा
कविको पनि कविको रूप भएको उत्तम।५।🌷🙏🌺

बोलेर हैन लेखेर गरौँ लक्षको छनौट
कसरी पुग्ने लक्षमा भन्दै कार्यको बनोट
गरेको कार्य समिक्षा गरी गल्तिको चिनारी
भएको गल्ति मानव बनी लिनेछौँ स्विकारी ।६।🌷🙏🌺

नेताले गर्छ विकास भनी कसैले नसोचौँ
आनन्द मिल्छ बाहिर भनी कसैले नखोजौँ
हामी नै बनौँ शिव र विष्णु सन्त र महन्त
अरुको मुख ताकेर बस्दा अन्योल पर्दछ ।७।🌷🙏🌺

-हरि शर्मा(गलकोटे कवि)
मिशिगन, अमेरिका । 🌷🙏🌺


सम्बन्धित शीर्षकहरु

काठमाडौं । भूमिहीन दलित, भूमिहीन सुकुम्बासी तथा अव्यवस्थित बसोबासीको समस्या समाधान गर्ने अभियानअन्तर्गत सरकारले पाँचवटा स्थानीय तहलाई भूमिहीन समस्यामुक्त पालिका…

१८ नोभेम्बर २०२६ | मध्यपूर्व / मध्यपूर्वमा अमेरिका र इरानबीचको सैन्य तनाव थप चर्किएको छ। इरानको केश्म टापुस्थित क्षेप्यास्त्र प्रक्षेपण…

-गोबिन्द राज ओझा (राजन ) अनन्त आकाशबीच चम्किने ताराका ज्योति हौँ हामी सबै, प्रकृतिका कणकणभित्र लुकेको चेतनाका मोती हौँ हामी…

प्रतिकृयाहरू
...