Thursday 19th November 2026

कविताः विचित्र! -नारायण कोइराला


कस्तो हो? यहाँ के हुन खोजेको?
किसान धरधरी रोएको पाइयो
मरी सकेको राजतन्त्रलाई उठाउन
हजारौं मान्छे रोडमा देखियो
भाडाका मानिस भए पनि
जनसागर बनाइयो
आफ्नो आफ्नो तागत
यहाँ सबैको भेटियो।

अनि,
सरकारलाई तागत देखाउन
प्रतिपक्ष सडकमा उत्रियो
अस्ति भर्खर आफ्नो नेता
कुटेको भनी कुर्लियो ।

रोडमा अब उर्ली रहने रे
उता संसद भवनका राजाहरू
आफ्नो लडाइँ लडि जो रहेका छन्
जसरी हो,आफ्नो पोजिसन खोज्दै छन् ।

तर
उठिबास भएर काठमाडौं
गएका किसानको माग
कसले तताउने थाहा भएन
कसलाई सोध्ने कता जाने बाटो भएन ।

राम राज्य रोजेका किसान
रावण् राज्य भित्र फस्दै छन
यहाँ किन? सधै किसान मर्कामा पर्दैछन्
यहाँका रावण किसानलाई रोडमा लतार्दे छन् ।

अनि अचम्म,

हिजो पोइला गएकी विधेयक
आज फेरि फर्किन्छन् त
के रमाइलो गर्छौ बुद्धि न शुद्धि
जसरी नी देश लुट यसैमा तिमी खुसी।

नारायण कोइराला
तान्सेन, पाल्पा
हाल – यूएई ।


सम्बन्धित शीर्षकहरु

काठमाडौं । भूमिहीन दलित, भूमिहीन सुकुम्बासी तथा अव्यवस्थित बसोबासीको समस्या समाधान गर्ने अभियानअन्तर्गत सरकारले पाँचवटा स्थानीय तहलाई भूमिहीन समस्यामुक्त पालिका…

१८ नोभेम्बर २०२६ | मध्यपूर्व / मध्यपूर्वमा अमेरिका र इरानबीचको सैन्य तनाव थप चर्किएको छ। इरानको केश्म टापुस्थित क्षेप्यास्त्र प्रक्षेपण…

-गोबिन्द राज ओझा (राजन ) अनन्त आकाशबीच चम्किने ताराका ज्योति हौँ हामी सबै, प्रकृतिका कणकणभित्र लुकेको चेतनाका मोती हौँ हामी…

प्रतिकृयाहरू
...