सच्चा ती कविको विराट छविको सम्मान सत्कारमा
राखेका जनले सदैव मनले सद्भाव श्रध्दा यहाँ
विद्याको तुलना कदापि नगरी हीरा र मोती सित
मानेका कविले विशाल मनले आजन्म यस्तै रित ।१।🌷🙏🌺
दिक्दारी अहिले गरेन कविले संस्कार मान्ने कुरा
पार्टीका भरमा थिचाइ कविमा गर्ने कुरा हो बुरा
बोकेका कविले कुभाव मनमा झण्डा र गुण्डा दुबै
पापीको मुखले बखान धनको चिल्लो र चाप्लो खुबै ।२। 🌷🙏🌺
कोरोना अहिले विपत्ति जगमा छर्दैछ सन्त्रासमा
पापीको डरमा लुकेर घरमा बस्दै गरेका जन
नेताको कपटी विचार कविले चोर्दै हिँडेका कता
सुन्दैछौँ शुकदेवको तरहले भन्दै गरेका कथा ।३। 🌷🙏🌺
बोल्दैछन् कविले सुगा तवरले रट्दै गरेका कुरा
नेताका गुरु झैँ बनेर उनले सिद्धान्त लेखे पुरा
बेहोरा पनि त्यो दुरुस्त कविको देखिन्छ गुण्डा सरी
व्यापारी जसरी डुलेर जगमा चिन्ता र सुर्ता भरे ।४। 🌷🙏🌺
चाला यो कसरी असाध्य नगरी ढाक्दैछ उन्मादमा
विश्वासै कविको रहेन छविको आचार साहित्यमा
चौपाया जसरी गरेर नहिँडौं विद्वान ज्ञानीहरु
भन्ने यो दरिलो विचार सुनियो तत्काल बाँडौ बरु ।५। 🌷🙏🌺
हरि शर्मा (सुवेदी)
मिशिगन अमेरिका ।🌷🙏🌺
