सन्तको साधना शान्तिको कामना
दुष्टको भावना आसुरी चाहना
जीवनी फूल झैँ कोपिला फक्रँदा
श्यालको फुर्ति त्यो जीवनी फक्रँदा ।१।🌷🙏🌺
आसुरी भावना दानवी चाहना
रामको चेहरा कंसको साधना
चोरको साथमा डुल्दछौ रातमा
शक्तिको आडमा शक्तिकै मातमा ।२।🌷🙏🌺
शाकिनी डाकिनी डिम्बिका साथमा
रम्दछौ जम्दछौ घुम्दछौ साँझमा
जानकी, मञ्जरी, शान्तिको घातमा
देखियो धारिलो चक्कु त्यो हातमा ।३।🌷🙏🌺
भुल्दछौ जिन्दगी मातमा डुब्दछौ
भाइको घातकी बंश नै भुल्दछौ
कालको चालमा जिन्दगी जान्दछौ
अर्थ के बाँच्नुको के तिमी बुझ्दछौ ।४।🌷🙏🌺
साँझमा त्यत्तिकै रम्दछौ भट्टिमा
मर्दछौ सड्दछौ गल्दछौ मट्टिमा
मार्दछौ चोर्दछौ देवको जिन्दगी
दुष्ट बेकारको जिन्दगी बाँच्दछौ ।५।🌷🙏🌺
राधिका इन्दिरा शान्तिको साथमा
जिन्दगी बाँच है आजको रातमा
कालको चाल त्यो सुस्तरी देखियो
के तिमी देख्दछौ वाणको लक्ष त्यो।६।🌷🙏🌺
हरि शर्मा
मिशिगन,अमेरिका । 🌷🙏🌺
