अमेरिकाको मिशिगनमा मानेको दशैँ यो।
जे जस्तो मिल्यो त्यसैमा रमी गुजारा गरियो।
कोरोना साक्षी अहिले वर्ष दु:खको दशैँ यो ।
इतिहासमै अनौँठो रुप लिएर जन्मियो ।१।🌷🙏🌺
सुवेदी म हूँ संयोग मिल्यो सुवेदी बैनीको।
सुर्खेते बैनी गल्कोटे दाजु दैवले जुराको।
तिहार दशैँ एकैसाथमा मिलेर मान्दछौँ।
पराइ हैन नजिक देख्छौँ आफन्त ठान्दछौँ।२।🌷🙏🌺
अन्धाको देश पुगेमा आफू चिम्लनू आँखा रे।
लङ्गडा देश पुगेमा फेरि खोच्च्याउनु खुट्टा रे ।
त्यसैलाई मानी परदेशमा पनि मनाईयो दशैं यो।
बाध्यताबश आफन्त सबै घरदेश छाडेको ।३।🌷🙏🌺
अफिसको काम जुम्लीहात गरी स्थगित गरियो।
क्रीश्चियनको क्रीसमस जस्तो दशैँ हो भनियो।
धर्मको लागि स्वतन्त्रता नै भएको अमृका।
आफूले चाहे नहुने के पो संसारमा छ र त ।४।🌷🙏🌺
कुराउनी घोट्न मिलेन फुर्सद केरा त प्रशस्त।
सेलरोटी पनि जुरेन साइत कामको चपेटा।
सानुले झट्ट दुधमा राखी पायस पकाई ।
पस्केर दिइन् एकैसाथ बसी खाएका रमाई ।५।🌷🙏🌺
हरि शर्मा(गलकोटे कवि)
मिशिगन, अमेरिका ।🌷🙏🌺
