सँघारमा आई सक्यो अब बडा दशैँ।
कुनै कुरा तयार छैन लथालिङ्ग सबै।
कोरोनाले कुनाबाट ढुकेको छ अझै।
काम छैन दाम छैन जाला बिना मजै ।१।🌷🙏🌺
भनिकन रिसाएकी गाउँले बुढी बज्यै।
फूलपाती सुनेपनि नतातेकी अझै।
केटाकेटी भन्न लागे मान्नुपर्छ दशैं।
कसो भयो होला कुन्नि बुढी आजै ।२।🌷🙏🌺
केरा दारिम हलेदो र धान ल्याउ भनिन्।
जयन्ती र माने अनि कर्चुर बेल थपिन्।
सबैजना जुटीकन सामा सर्जाम जोडे।
फूलपाती घरभित्र भित्र्याएरै छोडे ।३।🌷🙏🌺
सबै पातमाथि राखी देवी पूजा भयो।
रक्तचण्डिका र दुर्गा लक्ष्मी कार्तिकीको।
शोकहारिणी व्रम्हाणी शिवा चामुण्डाको ।
कालिकाको पूजा गर्दा सारै मजा आयो।४।🌷🙏🌺
ईन्द्र शिव विष्णु आदि पालो पालो गरे।
वृतासुर तृपुरासुर मधुकैटभ मारे।
रावणको बध भने श्रीरामले गरे।
लङ्कापुरी पुगिकन खोजी खोजी मारे ।५।🌷🙏🌺
देवताले दानवको बध गर्दाखेरि।
भवानीको पूजा गरे नवरात्रभरी।
पुस्तक कापी कलम अनि मसिदानी पनि।
सरस्वती पूजा हुन्छ विद्या आओस् भनी ।६।🌷🙏🌺
हरि शर्मा(गलकोटे कवि)
मिशिगन, अमेरिका ।🌷🙏🌺
