Thursday 19th November 2026

कवितामा दशैं – लोक छन्दः सवाई -हरि शर्मा (गलकोटे कवि)


जन्मभूमि नेपालमा खुशियाली छायो।
सबैजना भन्न लागे दशैँ आयो आयो।
हिमालमा डाँफे चरी यही गित गायो।
आँगनमा धान टिपी भँगेराले खायो ।१।🌷🌺🌼💐🌷

डाँडावारि डाँडापारि खेतबारीतिर।
खरबारी घरबारी डाँडापाखातिर।
गण्डकीको, कोशीको र कर्णालीको तिर।
गाउँबेसी भन्न लागे हट्यो हाम्रो पिर ।२।🌷🌺🌼💐🌷

कालिकाको मन्दिरमा पाठ शुरु भयो।
आफन्तमा मिठा-मिठा बात शुरु भयो।
खुशी अनि उमङ्गको मात शुरु भयो।
नवरात्री कालरात्री रात शुरु भयो ।३।🌷🌺🌼💐🌷

परेवाले भाकुम भाकुम गित गाउन थाल्यो।
कुखुराले कुखुरी खै कहाँ भन्न लाग्यो।
नारायण नारायण पाडो भन्न लाग्यो।
जे जे पर्ला उसै टर्ला बोको भन्न लाग्यो ।४।🌷🌺🌼💐🌷

सरकारी अफिस र संघसँस्था पनि।
केही दिन बन्द गरी दशँ मानौँ भनी।
जुटेका छन् सबैजना सामा जुटाउन।
हिजोबाटै शुरु भयो दशैँ मनाउन ।५।🌷🌺🌼💐🌷

घरदेश परदेश जताततै आयो।
जहाँ जहाँ नेपाली छ्न् त्यतितिर आयो।
प्रदेशीको छाति चस्क्यो मुटु खान लाग्यो ।
मुटुभित्र दुख्ने घाउ चहराउन थाल्यो ।६।🌷🌺🌼💐🌷

प्रदेशमा अलिकति भिन्न हुन्छ दशैँ।
नेपालमा जस्तो रौनक देखिँदैन कतै।
भाषा भेष नमिल्नाले दशैँमय छैन।
दशैँ आयो भनेपनि विदा हुने हैन।६।🌷🌺🌼💐🌷

लिङ्गे पिङ रोटे पिङ कतैतिर छैन।
कमेरोले घर पोत्न पनि पर्ने हैन्।
कता छ खै डाँफेचरी कतै देखिँदैन।
ढुकुर अनि परेवाको बोली सुनिँदैन ।७।🌷🌺🌼💐🌷

सबैजना चौविस घंटा कमाउनमै व्यस्त।
कसैलाई बाध्यता कोही कतै मस्त ।
उत्साह र उमंगले जोसिएको मन।
अफिसको चटारोले थाल्यो तड्पन ।८।🌷🌺🌼💐🌷

कवितामा दशैँ मान्ने कुरा सुनेदेखि।
रमाएर पिडा पोखेँ कवितामा लेखी।
कवितालाई सुनिदिने सबै साथिहरु।
शुभकामना दिएँ मैले के सक्छु र अरू ।९।🌷🌺🌼💐🌷

 

हरि शर्मा(गलकोटे कवि)
मिशिगन, अमेरिका ।🌷🌺🌼💐🌷


सम्बन्धित शीर्षकहरु

काठमाडौं । भूमिहीन दलित, भूमिहीन सुकुम्बासी तथा अव्यवस्थित बसोबासीको समस्या समाधान गर्ने अभियानअन्तर्गत सरकारले पाँचवटा स्थानीय तहलाई भूमिहीन समस्यामुक्त पालिका…

१८ नोभेम्बर २०२६ | मध्यपूर्व / मध्यपूर्वमा अमेरिका र इरानबीचको सैन्य तनाव थप चर्किएको छ। इरानको केश्म टापुस्थित क्षेप्यास्त्र प्रक्षेपण…

-गोबिन्द राज ओझा (राजन ) अनन्त आकाशबीच चम्किने ताराका ज्योति हौँ हामी सबै, प्रकृतिका कणकणभित्र लुकेको चेतनाका मोती हौँ हामी…

प्रतिकृयाहरू
...