Sunday 22nd November 2026

कुवेतमा रक्त क्यान्सर उपचाररत नुवाकोटकी सोनी तामाङको मृत्यु


हरि कृष्ण न्यौपाने- मेगाङ गाउँपालिका- ४ किस्पाङ, नुवाकोट घर भई करिब ४ महिना पहिले मात्र कुवेत आएकी ३७ बर्षिया सोनी तामाङको आज अप्रिल ९ तारिक बिहिबार,२०२० का दिन मृत्यु भएको छ।उनको स्वास्थ्यमा समस्या देखिए पछि करिब एक महिना अघि कुवेतको फर्वानिया अस्पताल पुर्याइएकोमा केही दिन पहिले मात्र उनलाई रक्त क्यान्सर भएको पत्ता लागेको थियो।करिब ५ दिन पहिले कुवेतको सुयेख क्यान्सर अस्पताल पुर्याइएकी सोनीको उपचारकै क्रममा मृत्यु भएको हो।
नेपाली राजदूतावास कुवेतका द्वितिय सचिब श्रीकृष्ण सिलवालले तितोपाटी डट कम संग भने “राहदानी नं- ११०५६१८८ कि सोनी तामाङको रक्त क्यान्सरका कारणले अस्पतालमा उपचार गराइरहेको अबस्थामा आज मृत्यु भएको पुष्टि भएको छ। उनी कुवेतको इकोभर्ट एफ एम क्लिनिङ कम्पनिमा काम गर्न डिसेम्बर २०१९ मा (४ महिना पहिले मात्र)कुवेत आएकी हुन।” उनले थपे “दूताबासले अस्पताल र संबन्धित निकायहरु, कम्पनी अनि परिवार संग सम्पर्क गरि कानुनी प्रकृयाहरु शुरु गर्ने छ।”
मृतक सोनी तामाङको घरमा श्रीमान बाल सिहं तामाङ, एक छोरी र एक छोरा रहेको बुझिएको छ।


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...