Sunday 22nd November 2026

कुवेतमा कोरोनाको कहर


तोयानाथ उपेक्षित – कुवेतमा कोरोना भाईरस संक्रमितको संख्या दुई दिनमा दुई दर्जन नागेपछि मानिसहरु हतासपूर्ण मानसिकतामा छन । अहिले सम्म पुष्टि भएका संक्रमितको संख्या २६ पुगेको छ ।

हिजो देखि सरकारी कार्यलय तथा स्कुल र कलेजहरु राष्ट्रय दिवसका कारण शनिवार सम्मलाई विदा छन भने त्यसपछि पनि कुवेत सरकारले मार्च १२ तारिक सम्मका लागि सवै विद्यालय तथा कलेज बन्द रहने घोषणा गरेको छ । आजको दिन अघिल्ला बर्षहरुमा बाहिर निस्कन हम्मे पर्ने ट्राफिक जाम यसपटक छैन । प्रायः सडकमा सधै भन्दा लगभग आधा सवारी कुदेको देखिन्छ । सुपरमार्केट र ठुला महलहरुमा खासै मानिसहरूको भीडभाड पनि छैन ।

एकै दिनमा कोरना संक्रमितको संख्या ह्वात्तै बढ्नुले कुवेतलाई निक्कै चिन्तित बनाएको छ । यसरी नै बहराईनमा पनि २६ जना संक्रमित छन भने कतार र साउदीमा संक्रमण भेटिएको छैन । ओमन, कुवेत, दुवई र बहराईनमा कोरोनाको संक्रमणले त्रास पैदा गरिदिएको छ । समाचारमा जनाईए अनुसार कुवेतमा पाईएका कोरोना संक्रमितको स्वास्थ्य अवस्था गंभिर भने छैन ।

कुवेतको बजारमा मास्क पाउन निक्कै मुस्किल भएको बताईन्छ । मास्कको भित्रभित्रै कालो बजारी पनि भएको आशंका मानिसहरुले गर्न थालेका छन । प्राईभेट कम्पनीहरुले भने अहिले सम्म आफ्नो नियमित काम रोकेका छैनन । कयौ यस्ता कम्पनीहरु दुई दिनको सर्वाजनिक विदा पछाडी भोली बाट खुल्ला हुदैछन ।

यहि अवस्था रहिरहे कुवेतमा दैनिकी कठिन हुने अनुमान गरिएको छ । रेड क्रिसेन्डले कोरनासँग लडन भोलेन्टियर्स खटाउने जनाएको छ ।


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...