Saturday 21st November 2026

नमुना बिश्वकर्मा समाज कुवेत द्वारा मिर्गौला पीडित र भवन निर्माणको लागि आर्थिक सहयोग 


चन्द्र बिश्वकर्मा – नमुना बिश्वकर्मा समाज नेपाल – कुवेतले दुबै मिर्गौला खराब भएको दोलखा जिल्ला कालिञ्चाेक गाउँपालिका -४ गुमु हिलेपानीका रन्जित बिश्वकर्मा र नेपालको सुन्दर नगरी शहर पोखरामा बिश्वकर्माहरुको केन्द्रिय भवन निर्माणका लागि आर्थिक सहयोग गरेको छ ।

नमुना बिश्वकर्मा समाज नेपाल – कुवेतले लामो समय देखि हस्पिटलमा उपचाररत गजमेरलाई २१,००० हजार नेपाली रुपैयाँ आर्थिक सहयोग गरेको छ । त्यसैगरी नेपालको पुर्वको मेची देखि पश्चिमको महाकाली सम्म फैलिएर रहेका बिश्वकर्माहरुलाई एकता गर्ने उदेश्यले निर्माण हुन लागेको भवनको लागि समाजले २१,००० हजार नेपाली रुपैयाँ आर्थिक सहयोग गरेको समाजका अध्यक्ष भिम बहादुर बिश्वकर्माले तितोपाटी लाई जानकारी गराएका छन ।

नमुना बिश्वकर्मा समाज नेपाल – कुवेतले मिर्गौला पीडित र बिश्वकर्माहरुको केन्द्रिय भवन निर्माणका लागि जम्मा ४२,००० हजार नेपाली रुपैयाँ आर्थिक सहयोग गरेको छ । २२ वर्षको युवा उमेरमै दुबै मिर्गौला खराब भएका रन्जित अहिले धर्मभक्त मानव अंग प्रत्यारोपण केन्द्र भक्तपुर अस्पतालमा उपचार गराइरहेका छन । दुबै मिर्गौला खराब भएका रन्जित लाई उनको बाबाले मिर्गौला दिने भएका छन । आर्थिक अभावकै कारण अहिले सम्म मिर्गौला प्रत्यारोपण हुन सकेको छैन ।

सन २०१६ को अन्त्य तिर कुवेतको नेपाली समाजमा स्थापना भएको समाजले कुवेतमा मात्र नभई नेपालमा पनि विभिन्न किसिमका आपत बिपत्तिमा परेका, बिश्वकर्माहरुमा लुकेर रहेको प्रतिभा प्रस्फुटन गराउन आयोजना गरिएका विविध कार्यक्रम र गरिबीहरुलाई सहयोग गर्नुको साथै कुवेतमा दुखमा परेका, अलपत्र परेका र अपांग भएका नेपालिहरुको उद्धारमा पनि निकै महत्त्वपूर्ण भुमिका रहेको छ ।


सम्बन्धित शीर्षकहरु

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

काभ्रे, मंसिर ३। काभ्रे जिल्लाको एक रिसोर्टबाट ३५ जापानीसहित ४० जना विदेशी नागरिकलाई प्रहरीले नियन्त्रणमा लिएको छ। दुई दिनभित्र काभ्रेका…

ढाका, नोभेम्बर १९। बंगलादेशमा पूर्वप्रधानमन्त्री शेख हसिनाको स्वदेश फिर्तीको विषयलाई लिएर राजनीतिक तनाव चुलिएको छ। हसिनाको पार्टी अवामी लिगका समर्थकहरू…

प्रतिकृयाहरू
...