तितोपाटी डटकम-प्रेम बचाउ अभियान मूल समितिले हिजो एक पत्रकार सम्मेलन गरि अभियानको आय ब्याय सार्बजनिक गरेको छ । रिपोर्टर्स क्लबमा हिजो पत्रकार सम्मेलनको आयोजना गरि सम्पुर्ण आय ब्याय विवरण सार्वजनिक गरेको हो ।
समितिले सार्वजनिक गरेको विवरण अनुसार समितिमा ९२ लाख ८ सय एकाउन्न, बैंकबाट प्राप्त ब्याज ९ हजार १ सय ४ रुपैयाँ गरि जम्मा ९२ लाख ९ हजार ९ सय पचपन्न जम्मा भएको उल्लेख गरेको छ ।
खर्च तर्फ भने संचार तथा कार्यालय ब्यावस्थपन ६ लाख ९ हजार १५ रुपैयाँ, बैठक तथा अतिथि सत्कार खर्च १ लाख ८८ हजार ७ सय ४७ रुपैयाँ, यातायात खर्च २ लाख ४ हजार ३ सय ९० रुपैयाँ, प्रेमबहादुरका परिवार खर्च ८ लाख ८० हजार ४ सय ६५ रुपैयाँ, स्रोत खोजी १ लाख ३३ हजार ९ सय रुपैयाँ, साउदीमा समन्वय खर्च ३ लाख २५ हजार रुपैयाँ,बिगो बापत रकम भुक्तानी ४३ लाख ३४ हजार १ सय ६ रुपैयाँ र बैंक ब्याज, कर तथा शुल्क ७ सय ८५ रुपैयाँ गरि जम्मा ६६ लाख ७६ हजार ४ सय ८ रुपैयाँ खर्च भएको विवरणमा उल्लेख गरेको छ ।
समितिमा अब २५ लाख ३३ हजार ५ सय ४७ रुपैयाँ बचत रहेको र उक्त रकम कहाँ खर्च गर्ने भन्ने समितिको आगामी बैठकद्वारा निर्णय गरिने समितिका अर्थ विभाग प्रमुख अनिता तम्बुछाले जानकारी गराएकी छिन।
(समाचार साभार:-पत्रकार तथा प्रेम बचाउ अभियान कुवेतका सदस्य कोश राज राइ, जो नेपालमा छुट्टीमा रहदा प्रेम बचाउ अभियान मुलद्वारा आयोजित पत्रकार सम्मेलनमा उपस्थित थिए।)
