Saturday 21st November 2026

कुवेतमा कोरोना संक्रमण बढे संगै नेपाली कार्यक्रमहरु स्थगित


तीतोपाटी – कुवेतमा कोरोना संक्रमण बढे सँगै नेपाली कार्यक्रमहरू स्थगित हुने भएका छन् । कुवेत सरकारले कोरोना संक्रमण बढे पछि भेला जम्मा हुने प्रकृतिका कुनै पनि गतिविधि गर्न रोक लगाए पछि कुवेतमा कृयाहिल संघ संस्थाका समुदाय केन्द्रीत सार्वजनिक कार्यक्रमहरू गर्न असहज भएको हो ।

यसै विच नुवाकोट धादिङ रसुवा समाज कुवेतको अागामी शुक्रबार गरिने भनिएको दोस्रो अधिबेशन स्थगित भएको छ। आउदो जनवरी १४ शुक्रबार दोस्रो अधिबेशन, चौथो वार्षिक उत्सव तथा सांस्कृतिक कार्यक्रमका साथ सम्पन्न गर्न तयारी गरिएको भए पनि कुवेतमा बढदो कोरोना भाइरस संक्रमणका कारण कुवेत सरकारले जारी गरेको सर्कुलर र स्वास्थ्य मापदण्डलाई ध्यानमा राख्दै स्थगित गरिएको समाजका महासचिव अभिनास तामाङद्वारा हस्ताक्षरित बिज्ञप्तिमा जनाईएकोछ।

त्यसै गरि नेपाल मगर संघ शाखा कुवेतले मगर समुदायको राष्ट्रिय तथा साँस्कृतिक पर्व एवं आम नेपालीहरुको महान चाड “माघे सग्राँती” आगामी १४ जनवरी २०२२ का दिन मनाउने भनिए पनि कोभिड-१९ को कारण स्थानीय सरकारले कुनै पनि सार्वजनिक स्थानहरुमा भेला हुन निषेध गरे पछी अनिश्चित कालको लागि स्थगित गरेको छ।

संस्थाका अध्यक्ष मनु मगरको अध्यक्षमा कुवेतको मंगाफस्थित सभा हलमा हिजो बसेको बैठकले उक्त निर्णय गरेको हो।

कुवेतको ओफरा भन्ने स्थानमा आयोजना गरिने भनिएको माघे सग्राँती कार्यक्रम कुवेतमा कृयाशिल रहेका सम्पूर्ण नेपाली संघ-संस्थाका प्रतिनिधिहरुलाई अतिथिको रुपमा निमन्त्रणा गरि मनाईने भनिएको र निमन्त्रणा पत्र पनि तयारी अवस्थामा रहेको बेला एकाएक परिस्थिती बदलिन पुगेकोमा दु:ख लागेको अध्यक्ष मनु मगरले बताउँदै परिस्थिती सामान्य भए पछी मगर संघ कुवेतले वृहत कार्यक्रम गर्ने पनि बताएका छन।


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...