कुबेतका लोकप्रिय गायक बिबी मल्ल ठकुरी गैर आवासीय नेपाली संघ द्वारा संचालन गरिएको ग्लोबल एनआरएन सिंगिङ आइडलकाे टप 15 मा प्रबेस गरेका छन । बिभिन्न चरणमा उत्कृस्ट प्रस्तुती दिदै गायक मल्लले टप 15 को यात्रा तय गरेका हुन् ।
नेपाल कुबेत सांस्कृतिक मन्च, लालीगुराँस सांस्कृतिक परिवार अन्तर्राष्ट्रिय नेपाली कलाकार समाज कुबेत जस्ताको सस्थामा आबद्द र नेतृत्व गरि सकेका गायक मल्ल लोक गित पप आधुनिक गीत गायक हुन् । काली मेरै हो बोलको गितबाट थप चर्चा कमाएका गायक मल्ल अहिले ग्लोबल एनआरएन सिंगिङ आइडलकाे टप 15 मा पुगेपछि थप चर्चा बढेको छ ।
ग्लोबल एनआरए सिंगिङ आइडल सेकेन्ड जेनेरेसन–२०२१ को डिजिटल अडिसनबाट ६० जना प्रतिस्पर्धी छनौट भएका थिए । भर्चुअलमार्फत् भएको ग्लोबल एनआरएन सिंगिङ आइडल–२०२१ दोस्रो जेनेरेसन’को ‘गाला राउन्ड’बाट २५ जना प्रतिस्पर्धी छनौट भएका थिए, ति २५ मध्येबाट अहिले टप १५ मा पुगेको छ जसमा कुबेतका गायक मल्ल पनि टप 15 मा छनोट भएका हुन । गैरआवासीय नेपाली संघ, अन्तर्राष्ट्रिय समन्वय परिषद्, मध्यपूर्व क्षेत्रीय यूवा समतिले आयोजना गरेको ग्लोबल एनआरएन सिंगिङ आइडलमा डिजिटल अडिसन ओपनिङ राउन्डको अन्तरा, सारेगम र पियानो राउन्ड पार गर्दै छनोट भएका ३० जनामध्येबाट ‘गाला राउन्ड’मा २५ जना पुगेका थिए । २५ जनाबाट अहिले टप 15 छनाेट भएकाे हो । ग्लोबल एनआरएन सिंगिङ आइडलका निर्णायकहरू चर्चित गायक उदय सोताङ र विजय लामा तथा गायिका प्राश्ना शाक्य र सुनिता दुलाल रहेका छन् । निर्णायकको मत र भोटिङमार्फत् प्रतिस्पर्धीहरूलाई अघिल्लो चरणका लागि अघि बढाइएको बताएका छन् । ग्लोबल एनआरएन सिंगिङ आइडलमा निर्णायकको मत ६० प्रतिशत र भोटिङमार्फत् ४० प्रतिशत अंक प्राप्त गर्नेछन् । सोही आधारमा प्रतिस्पर्धी अघिल्लो चरणमा प्रवेश गर्नेछन् । अब जति भोट गर्यो उति नै आफ्नो अघिल्लो चरणको यात्रा सहज हुने बताउदै गायक मल्लले एनआरएनए कुबेत, नेपाली संघसस्था लगायत कुबेतबासी नेपालीमा आफुलाई सहयोग गर्न अनुरोध गरेका छन । गायक मल्लको भोटिंग कोड ०४ रहेको छ ।
ग्लोबल एनआरएन सिंगिङ आइडलका विजेताले ७ लाख रुपैयाँ प्राप्त गर्ने छन् । त्यसैगरी, दोस्रो पुरस्कार ४ लाख रुपैयाँ, तेस्रो पुरस्कार २ लाख रुपैयाँ, चौथो पुरस्कार १ लाख रुपैयाँ र पाँचौं पुरस्कार ५० हजार रुपैयाँ राखिएको छ ।भने फाइनलमा प्रवेश पाउने ५ जना प्रतियोगीहरूलाई गीति एल्बममा गीत गाउने अवसर प्रदान गरिने आयोजकले जनाएको छ ।
