बनी एक आपसमा घाती प्रतिघाती हजुर ।
मौका परे गर्दा रैछन जो नी खुरापाती हजुर ।।
कसलाई पो आफ्नो ठान्नु दल ब्यक्ति यो देशका ,
बैगुनी र खुनी मात्रै कोहि छैनन् जाती हजुर ।
शोषण दमन सामान्ती परम्परा सँस्कारका ,
नबद्लीई अझै पनि बाबू छोरा नाती हजुर ।
गलत सोच धारणाका लुटी ल्याई भुटी खाने ,
स्याल सिँह छुचुन्द्रो बाघ देखि हात्ती हजुर ।
मरी होईन मारीकन माथिसम्म पुग्नै पर्ने ,
सबैमाझ दिउँसोलाई बनाएर राती हजुर ।
***
टहल आचार्य
कालिञ्चोक ८ सुनखानी दोलखा
बागमती प्रदेश ।
