बहर- मुतकारिब मुसम्मन सालिम
हिजोआज राम्रो खबर छैन मेरो ।
युगौंसम्म बाँच्ने रहर छैन मेरो ।
हराएर आशा गयो जिन्दगीमा,
शिखर चढ्न खोज्ने सफर छैन मेरो ।
भएको छ गाह्रो विगत भुल्नलाई,
खुसी झल्किएको अधर छैन मेरो ।
लगाएर पर्दा तिमी झैं चियाई,
लुकी हेर्न खोज्ने नजर छैन मेरो ।
बसेको छु है पिंजडामा म रोई,
बगेको छ खोला बगर छैन मेरो ।
रमाउन्न भौतिक जगतमा फसेर,
बुझेको छु जीवन अमर छैन मेरो ।
-धर्मिला कार्की
चिसङ्खुगढी-३, ओखलढुङ्गा
हाल: महाराजगन्ज-३, काठमाडौँ
