मुक्तक
१)
जसको खातिर जसबाट पूरा धोको, हुन सक्छ ।
उसको लागि आफू दिनरात भोको, हुन सक्छ ।
हिड्दा पिठ्युँ माथि भारी बोकी अंगालोमा राख्ने,
आखिर उनी आमा भन्दा अरू को, हुन सक्छ ।
२)
बालशोषण अन्त्य गर्ने नारा लगाउँनु,पर्छ ।
आजैबाट बाल अधिकार हामीले पाउँनु,पर्छ ।
हत्याहिंसा दमन खेप्ने बालबालिकाले कति,
जुटौं सबै न्याय पाउने नियम ल्याउँनु,पर्छ ।
३)
पराइको दबाबमा नारीहरूले दबि रहनु, पर्ने ।
नदीको छाल सरी माया छताछुल्ल बहनु,पर्ने ।
विश्वासिलो ठानिएको कहाँ हुन्छन् सबै दानी,
पहिले माया पछि घात जिन्दगीमा सहनु,पर्ने ।
४)
यही धर्तीमा जिउँनुु जिन्दगी अमुल्य,लाग्छ ।
स्वाभिमानमा लगाएपछि बात मरितुल्य,लाग्छ ।
स्वतन्त्र रहेर बाँच्ने हक सबैको हो दुनियामा,
त्यसैले त प्रगतिमा लम्कनु बाहुल्य,लाग्छ ।
५)
जनतालाई आशाहरू देखाउने,सरकार ।
कहिलेसम्म हो त विकास आउने,सरकार ।
भन्थ्यौ गाउँ,बस्ती लाइन,सडक पुर्याउँछु,
जनताले यो सुविधा कहिले पाउने,सरकार ।
✍️नानिमाया सुनुवार
ताप्लि गाउँ पालिका – ४, उदयपुर
हाल हरिवन नगर पालिका -१०, सर्लाही ।
